Son dəqiqə
QİYAMƏT GÜNÜ ANAM MƏNİ GÖRMƏSİN...
ALLAH!Getmək məqamın,
Vaxtını sən bilirsən.
Özüm gedə bilməsəm,
Məni qəfil götür, SƏN.
Daha bəsdi,yaşadım
Bu yalançı dünyada.
Yəqin ki,məndən bezib,
Əl götürüb dünya da.
Günahlarım azdımı,
Çoxdumu Sən bilərsən.
Yüngül olsa,bəzisin
Bağışlarsan,silərsən.
Bir də,qiyamət günü
Anam məni görməsin.
Yalvarıram,ilahi,
Öldüyümü bilməsin.
Bilsə,dözməz bu dərdə
Qırılar qəlbin simi.
Yenə də vaxtsız gedər,
Bir vaxt getdiyi kimi.
Q.Abbasov color=#6BA54A][b][/b]
