Misir qəbirlərini ilk öyrənən mütəxəssislərin erkən vəfat etdiyi çoxdan məlumdur. Bu, Tutanxamonun məzarına da aiddir. Burada hətta "Fironun lənəti" daha çox səsləndirilən versiyadır.

Publika.az xəbər verir ki, “Journal of Scientific Exploration” sirlər dünyasına səyahət edib. Nəticə olaraq, piramidalar açıldıqdan sonra erkən vəfat edən onlarla alim və onların ailə üzvlərindən bəhs edən məqalə dərc edib.

Söhbət ilk növbədə Tutanxamon türbəsindən gedir. Təxminən bir əsr əvvəl aparılan qazıntılara britaniyalı arxeoloq Hovard Karter rəhbərlik edib və o da “lənət”in qurbanı olub.

“Planet Today” yazır ki, elm adamları uzun müddətdir arxeoloqların sağlamlıq problemlərini təbii səbəblərlə izah etməyə çalışsalar da, bu cür miflər hələ də qalmaqdadır. Versiyalardan biri Aspergillus göbələklərinin yaratdığı "mağara xəstəliyi" adlanan xəstəlikdir. Məşhur hökmdarın məzarında bu patogen mikroorqanizmlərin hissəcikləri tapılıb.

Tamamilə mümkündür ki, piramidaların dərinliklərində müasir insanların toxunmalı olmadığı digər təcrid olunmuş mikroorqanizmlər əsrlər boyu qorunub saxlanılıb.

Misir tarixinin tədqiqatçılarının tez-tez baş verən patologiyalarının başqa bir məntiqi izahı var. Belə ki, "Serapeum" məzarlıq kompleksində mütəxəssislər uranın parçalanması zamanı əmələ gələn radioaktiv qaz olan radonun həddindən artıq səviyyəsini qeydə alıblar. Konkret məlumatlar dərc olunub: bu kompleksdə maddənin konsentrasiyası kubmetrə 4-5 min bekkerel təşkil edir. Halbuki, ÜST standartlarına görə, hər kubmetr üçün 100 bekkerel artıq potensial təhlükəlidir.

Qeyd olunur ki, bu, başqa yerdə yerləşən Tutanxamon türbəsinə aid deyil, lakin "Tutanxamonun lənəti" termini daha genişdir.