(Dəniz həkimin gündəliyi, ikinci hissə)
FAKT: Qadınlar gün ərzində 60 dəfədən çox, kişilər isə cəmi 8 dəfə gülür.
Gülümsəyin cənablar!


Bir az gülümsə
-Aloo həkim sizsiiz?
-Bəli
- Sabah diskotekada saat neçədə olacaqsız?
-Mmmm, bağışlayın qızım bəlkə konsultasiya demək istəyirdiniz?
-Həə, həə onu deyirdim)))

Gecə telefon zəngi: Aloo bağışlayın həkim narahat edirəm sizi, bir söz soruşmaq istəyitrdim
-Buyurun. Əgər bu saatda zəng etmisinizsə demək vacibdir, əlbəttə buyurun...
-Pasiyent: deməli evdə qonaq var idi kompot filan açmışdıq...
-Həkim: nuş olsun qızım...
-Pasiyent: sözüm onda deyil həkim elə bir iş etmişəm ki, gözümə yuxu getmir, çox narahatam. Ona görə sizi bu saatda oyatmışam...
-Həkim həyəcanla soruşur: zəhərlənməmisiniz ki?
-Pasiyent: xeyir zəhərlənməmişəm məncə, qusmam filan yoxdur. Amma qan artıran dərmanı kompotla içmişəm. İndi mənə bir şey olmaaz?

Yenə gecə zəngi...Həkim cavab verənə qədər zəng edən iptal edir. Sonra yenə ard-arda iki çağrı gəlir. Həkim düşünür ki, bəlkə pasiyentinə və ya tanışa, dosta nə isə olub, amma konturu yoxdur danışmağa. Gecə yarı da olsa həmin nömrəyə zəng edir və bir xanım cavab verir.
-Həkim: bağışlayın bayaqdan bu nömrədən üç dəfə çağrı gəlib, düşündüm ki, nə isə bir narahatlıq ola bilər. Ona görə zəng etdim, kimiydi qızım?
-Qadın: Aaaa...zəng gedib sizəəə? Bu nömrəni mənə bir tanışım verib. Bayaqdan istəyirəm telefonumun yaddaşına salım, ama alınmır. Demək düzgün düyməni basmırammış...
Amma doxdursuz daa hər halda, yaxşı oldu elə zəng edibsiiz lap yerinə düşdü. Bilirsiiz həkim mənim baldızımdaaa...
-Bu dəfə isə qiyabi və telefonla müalicə olunmur deyərək həkim iptal etdi. Amma bir neçə gün də bu hərəkətinə görə özünü bağışlaya bilmədi(

İstirahət günü həkimə zəng:
-Həkim sizsiiz?
-Bəli buyurun…
-Bu gün saat neçəyə qədər işləyirsiz? Gəlmək istəyirdim...
-Həkim: qızım bu gün bazar günüdür, yəni istirahət günüdür axı...
- Bilirsiiz, Solmaz xalaynan gəlmişdim bir dəfə haa Sahilə, o qızam ey, ona görə deyirdim. Mənim yoldaşım təkcə bu gün evdə olur, o biri günlər işləyir axı...
-Həkim: bu gün nə üçün evdə olurki yoldaşınız?
-İstirahət günüdür axı...
-Bəs bizdə də istirahət günüdür qızım. Respublikada idarələr hamısı istirahət günü evdə olur, yalnız ticarət sahəsi və növbədə olanlar işləyir...
-Solmaz xalaynan gələndi ey, dedim bəlkə gələrdiz poliklinikaya...
-Qızım poliklinika bağlıdır, yalnız təcili yardım və xəstəxanalar sizə yardım göstərə bilər. Bəlkə şikayətinizi deyərdiniz sizi düzgün yönəldim, hansı xəstəxanaya getmək lazım olduğunu deyərdim ...
-Yox xəstə deyiləm, rayondan tanışımız analiz kağızlarını göndərib, deyir ki, bir məsləhətli həkim varsa bunları ona göstər gör nə deyir...yaxşı sağol...