***
-Həkim hamilədən soruşur:qızım ərinizlə qohum¬sunuzmu?
-Bəli
-Necə qohumsunuz?
-Xalam oğludur
-Nəsildə genetik xəstəlik varmı?
-Qayınım, yəni xalam oğlu anadangəlmə yerimir, həm də bir az şüur çatışmamazlığı var...
-Həkim istəyirdi ki, əlavə sual versin bu vaxt hamilənin anası söhbətə qarışdı...
-Doxdur mən əslində bacım oğluna verməmişdim qızı. Bacı oğlu onsuz da başqasını istəyirdi, nişanlandı və toyu oldu. Toy təzə başlamışdı ki, birdən xəbər çıxdı ki, gəlin başqasına qoşulub qaçıb. Daha biz də dəli olduq... Elə bacım dedi ki, həm bacıyıq, həm də qonşuyuq... bütün kənddə biabır olacağıq, gəl sənin qızını alaq oğluma... Beləcə mənim bu qızıma gəlinlik geyindirib toyu yola verdik... Çox şükür indi xoşbəxtdi... Xalası mənnən də yaxşı baxır ona...
-Həkim: Allah xoşbəxt eləsin! Nə deyə bilərəm!?
Həm çox gözəl bacı, həm də gözəl qonşusunuz...
***
Dünya ölkələrinin evlilik ənənələrindən bəzi məlumatlar: Kato¬liklərin evlilik ənənələrinin 5-ci bəndinə görə dayıuşağı, xalauşağı, yəni birinci qoldan olan qohumlar evlənə bilməzlər. Teoretik olaraq belə bir nigah çox nadir hallarda Episkopun icazəsi ilə mümkün ola bilər.
***
Həkimin qəbuluna iki nəfər gənc gəlir; bir gənc qız, bir də gənc oğlan.
-Həkim gülümsəyərək: buyurun eşidirəm, nə kimi şikayətiniz var, nə gözəl cütlüksüz...
-Gənc oğlan dedi: həkim biz hələ evli deyilik, amma bir-birimizi çox sevirik, evdə deyə bilmirik heç kimə. İstədik birinci sizinlə məsləhətləşək sonra fikrimizi böyüklərimizə söyləyək...
-Həkim: buyurun
-Gənc oğlan: bilirsiiz həkim biz bibiqızı-dayıoğluyuq onu məsləhət etmək istəyirik...
-Həkim:oğlum bu gün hamı dünyagörüşlüdür, bir çox xəstəliklər haqqında məlumatlıdır, üstəlik internet əsridir hər bir ehtimala görə istənilən sayda məlumat ala bilirik...həkim yenidən söhbətini davam etdirir-çox yaxın qohumsunuz və bir-birinizi tam tanıyırsınız. Nəsildə genetik xəstəlik varmı? Və ya talassemiya, qohumunuzdakı qadınlar arasında ölü uşaq doğmaq və s.
-Gənc oğlan: həkim nəsildə xəstəlik yoxdur, amma bizi başqa bir fikir narahat edir, ona cavab tapmaq üçün gəldik yanınıza...
-Həkim: eşidirəm danışın, qohumluqdan əlavə hansı problem var?
-Bu dəfə gənc qız qoşuldu söhbətə: həkim bizim atalarımız qardaşdır, analarımız isə ekiz bacıdır...
-Həkim bir anlıq çaşdı qaldı, nə reaksiya verəcəyini bilmək bir yana, qohumluğun necəliyini də anlaya bilmədi... özünü toparlayıb gənclərə dedi: dünyada başqa oğlan və ya başqa bir qız yox idimi?Hər iki tərəf sükut içində sakitcə dayanmışdı... Sükutu pozan həkim:mən heç nə deyə bilmirəm, nə bu gün üçün, nə gələcək üçün...əgər qüsurlu övlad olub olmayacağını təxminləşdirmək istəyirsinizsə genetik həkimlə məsləhətləşin. Sevginizin və ya seçiminizin doğru olub –olmamasını bilmək isə daha çox vacibdir...mütləq psixoloqla görüşün...
***
Nəzərinizə çatdırım ki, Çində isə nigahın qeydiyyatı haqqında olan qanuna görə nəinki birinci qoldan, hətta yan qollardan və üçüncü dərəcəli olan qohumlarla da evlənmək qadağandır. Cütlüklərdən birində qanunda göstərilmiş xəstəliklərdən hansınınsa olması zamanı isə nigah tibbi nöqteyi nəzərdən qadağan edilir.

Ardı var....