QƏHVƏ, ZEYTUN YAĞI, ÇUĞUNDUR SUYU, BROKOLİ….

Alimlər qaraciyərin sağlamlığına dəstək olan 8 qidanın adını açıqlayıb.
1. Qəhvə qaraciyər sağlamlığı üçün ən faydalı içkilərdən biri hesab olunur. Araşdırmalar göstərib ki, qəhvə içmək qaraciyər xəstəlikləri riskini azalda bilər və qaraciyəri siroz kimi xroniki problemlərdən qoruya bilər. Bundan əlavə, qəhvə içmək qaraciyərin iltihabını azaltmağa və qaraciyər xərçənginin qarşısını almağa kömək edir.
2. Çuğundur suyu nitratlarla və betalainlər adlanan antioksidanlarla zəngindir. Tədqiqatlar göstərir ki, çuğundur suyu qaraciyərin iltihabını azaltmaqda, oksidləşdirici zərərin qarşısını almaqda təsirli olur və qaraciyər hüceyrələrində yağ yığılmasını azalda bilər. Bu içkini içmək qaraciyərin fəaliyyətini yaxşılaşdırmağa kömək edir.

3. Yaşıl tərəvəzlər brokoli, brüssel kələmi, kələm və gül kələm yüksək lif tərkibinə və faydalı bitki birləşmələrinə görə qaraciyər üçün əla qidalar kimi tanınır. Bu tərəvəzlər qaraciyərin detoksifikasiya prosesini təşviq edir və onun fəaliyyətinə müsbət təsir göstərir.

4. Qoz-fındıq sağlam yağlar, antioksidantlar və E vitamini ilə zəngin olduğu üçün qaraciyər üçün faydalı qidalardan biridir. Qoz-fındıq yemək immunitet sisteminin gücləndirilməsində, iltihabın azaldılmasında, qaraciyərin sağlamlığının və detoksifikasiyasının dəstəklənməsində mühüm rol oynayır.

5. Tərkibində omeqa-3 yağ turşuları olan qızılbalıq və alabalıq kimi yağlı balıqlar qaraciyərin iltihabını azaltmaqda çox faydalı təsir göstərir. Araşdırmalar göstərib ki, bu balığın müntəzəm istehlakı alkoqolsuz yağlı qaraciyər xəstəliyinin inkişaf riskini azaldır və xəstələrdə trigliserid səviyyəsini aşağı salır.
6. Zeytun yağı, xüsusən də iltihab əleyhinə xüsusiyyətlərinə və maddələr mübadiləsinə müsbət təsirinə görə qaraciyərin təmizlənməsi üçün ən yaxşı variantlardan biridir. Bu yağ orqanizmdən toksinləri çıxarmağa və qaraciyərdə zərərli yağların yığılmasının qarşısını almağa qadirdir. Zeytun yağının müntəzəm istifadəsi qaraciyər fermentlərinin səviyyəsini də artıra bilər.
7. Yaşıl çay orqanizmin, xüsusən də qaraciyərin ümumi sağlamlığı üçün ən məşhur və faydalı içkilərdən biri kimi tanınır.
8. Üzümün, xüsusilə, qara və bənövşəyi sortları yemək qaraciyər üçün çox faydalıdır. Bu meyvə iltihabı azaltmağa, zədələnmiş qaraciyər hüceyrələrini bərpa etməyə və antioksidan səviyyəsini artırmağa kömək edən qiymətli bitki birləşmələri ilə zəngindir. Üzüm toxumu ekstraktının istifadəsi də qaraciyərin sağlamlığının yaxşılaşdırılmasında rol oynayır.
Heç bir narahatlıq olmadığı halda belə ÜST protokolları 2-3 ildən bir qaraciyərin rutin yoxlanmanmasını tövsiyə edir. Çünki, bu orqanda olan xəstəliklər adətən ağrısız və simptomsuz inkişaf edir.