Krania (zoğal) - zoğal ağacının mifologiyada xüsusi yeri var. Taxtadan hazırlanmış Troya atı zoğal ağacından idi. Məhşur Qordi düyünü də zoğal ağacının qabığından düzəldilmişdi. Hansı ki, kahinlərin proqnozlarına görə kim bu düyünü açsa bütün Asiyaya çarlıq edəcəkmiş. Əvvəllər əkinçi olmuş Frigiya çarı Qordinin hazırladığı düyünü Makedoniyalı İsgəndər açmağa cəhd etmədən qılıncı ilə kəsdi. O zaman kahinlər söylədi ki, bu adam Asiyaya diplomatiya ilə deyil qılıncı ilə sahib olacaq. Ağaclar içərisində ən erkən çiçəkləyən zoğalın meyvələri al qırmızı rəngdə olur və heç bir xəstəlik tutmur. Zoğal sözünün birinci hecasındakı “Zo” kökü bir sıra xalqların dilində günəş anlamındadır. “Su” Hamburq, Mursi, Suri, Kati (Əfqanıstan) dilində, “Suu” Lombard, “So” Liquriya, “Zu”Niger dilində günəş deməkdir. “Al”isə yenə günəşin “al” rənglərinə aid edilən sözdür. Rus dilində “Kizil”adlanan zoğal, elə günəşin “Qızıl”rənginin adını daşıyır. Qədim türklərdə qırmızı rəngə, hətta qana belə elə qızıl rəng deyilib. ” Qız”sözü bilirik ki, günəşin funksiyalarından biri, yəni istiliyi ifadə edir. Məsələn: “qızmar”, “qızdırma” kimi. Kizis, gizos, giizis, hiisiis; Amerikada yerli hindu tayfalarının dilində günəş deməkdir.

F.Rüstəmova. “Hor sivilizasiyası və onun günümüzdə izləri”kitabından.