Son dəqiqə
Hamiləliyin ev şəraitində erkən diaqnostikası!
Menstruasiyanın bir və ya bir neçə gün gecikməsi zamanı hamiləliyin erkən diaqnostikası məqsədilə sidikdə hamiləlik testi çubuqlarından istifadə etmək olar.
Sidikdə hamiləlik üçün spesifik olan xorionik honadotropinin aşkar olunmasına görə uyğun bir cavab əldə edilir. XQ vəya XH-hormonunu "hamiləlik hormonu" da adlandırırlar. Hamilə olmayan qadınlarda bu hormon qanda, demək olar ki, aşkar olunmur və əgər aşkar olunarsa demək bədəndə hər hansı bir törəmə var deməkdir. Hamiləlik başladığı andan isə XQ hormonun səviyyəsi qanda sürətlə qalxmağa başlayır. Müayinə üçün səhər ifraz olunan ilkin sidiyi götürmək lazımdır. Gecə yuxusundan sonra XH hormonu və onun parçalanma məhsullarının sidikdə olan konsentrasiyası artmış olur. Əgər gün ərzində yoxlamaq istəsəniz ən azı 5 saat sidiyə çıxmamaq lazım gələcək. Çünki XH-n sidikdə yüksək səviyyəyə çıxması üçün vaxt lazımdır.
Testin növündən asılı olaraq onun üzərindəki pəncərəyə bir neçə damcı sidik əlavə olunur. Cavab 5 dəqiqədən sonra hazır olur. Vaxt keçdikcə isə hava və s. xarici təsirlər nəticəsində test yanlış nəticə göstərə bilər. Əgər testin üzərində 1 qırmızı zolaq görünərsə hamiləlik yoxdur, iki qırmızı zolaq olarsa; demək, hamiləlik vardır. Testin üzərində heç bir zolaq yoxdursa, test etdiyiniz vasitə keyfiyyətsizdir, yenisini almaq lazımdır.
Testin cavabı mənfi olduğu halda menstruasiya olmazsa, testi bir neçə gündən sonra yenidən təkrar etmək lazımdır. Test təkrarən mənfi nəticə verərsə, mütləq həkiminizə müraciət edin. Çünki bu, hormonal disfunksiyanın və ya hər hansı yanaşı gedən xəstəliyin əlaməti ola bilər.
[/b][b]
