Afrodit/Afrodita/Mis/Bakır!
Afrodita sözünün kökü köpük deməkdir. ”Afrodita Anadiomen”- köpükdən yaranmışdı. Kifera adası yaxınlığında Kronosun dənizə tökülmüş qanı və hüceyrəsindən mayalanmış köpüyü külək Kipr adasına gətirir... Sahildə qadınlıq simvolu olan; balıqqulağı üzərində, paltarsız, pak, saf Afrodita görünür. Ona görə Afroditaya Kiprida da deyirlər. Kipr sözünün kökü cuprum-mis-bakır metalı ilə bağlıdır. Mənbələrə görə Kiprdə çox qədimdə, e.ə. 3000 il əvvəl mis mədənləri olmuşdur. Cuprum/Mis/Bakır metalı eyni zamanda İştarın, Afrodita/Veneranın və İsidanın simvoludur...
Mis, cuprum metalının adlarından biri də Aesdir- Aes cuprium.
İsidanın adlarından biri isə İsis idi...
Axı bakirə İsida Hor tanrısını tək, kişi rolu olmadan yaradıb və doğub. Tanrıçaların simvolu olan bakır kəlməsi ilə eyni cür səslənən, həm də bakirə sözü var ki, bu ifadə yalnız ərə getməmiş qızlara aiddir.
Cuprum/Mis/Bakır sakitliyin, sülhün, rahatlığın, barışın, ədalətin, saflığın simvolu olması ilə yanaşı; magik və şəfaverici xüsusiyyətlərə də malikdir.
























Bu gün qadını işarə edən bu simvol; Veneranın/Afroditanın misdən hazırlanmış güzgüsüdür. Diqqətlə fikir versək həm də Qədim Misir tanrılarının əlində təsvir edilən Anxı xatırladır.
V.İ. Abayevə görə Rus d. mis demək olan ”медь/медный ” sözü; Midiya ölkəsinin adından götürülüb. Мѣдь sözü; ir. sözü olan “Мādа”dan alınıb və çox güman ki, Yunan dilində olan “Μηδία”sözündən yaranıb.
M. Fasmerə görə isə «медь» qədim German d. olan “smid”, yəni dəmirçi və metal demək oaln “smida” sözündən yaranıb.
Maraqlısı isə odur ki, bakirə tanrıçaların simvolu “mis/bakır” metalının adı ilə eyni səslənən, İngilis dilində olan və məhz bakirə, ərdə olmayan xanımlara, qızlara deyilən “miss” müraciət forması var. Miss/Missis deyə həm də orta məktəb müəllimələrinə müraciət edilir ki, bu qaydanın öz tarixi var. İngilislərdə elə bir tarixi period olub ki, orta məktəbdə yalnız ərdə olmayan, bakirə xanımlar dərs verə bilərdi.
Mis/Bakır, Bakır/Bakirə, Aes/İsis/Mis/Miss!
(Yuxarıda S. Bottiçellinin çəkdiyi «Veneranın/Afroditanın doğulması» tablosunda; əfsanədəki kimi mis rəngli saçları olan Afrodita təsvir edilib. Bu tabloda Florensiya hökmdarı Lorenso Mediçinin kiçik qardaşı Culiano Mediçinin sevgilisi və intibah dövrünün ən gözəl qadını hesab olunan Simonetta Vespuççinin siması; Veneraya/Afroditaya verilib.)
[/b]