Qalyan təhlükəlidirmi? İnsanlarda belə bir təsəvvür yaranır ki, tüstü suyun içərisindən keçəndən sonra təmizlənir və orqanizm üçün zərərsiz olur. Lakin araşdırmalar göstərir ki, bir dəfə qəlyan çəkmək, bir qutu siqaret çəkməyə bərabərdir. Belə ki, su filtri qətranın, bezopiren, formaldehid və s. zərərli birləşmələrin yarısını saxlayır, yəni 50 %-ni. Filtrasiya kasasına su əvəzinə alkoqol tökəndə isə tütünün zəhərli təsirlərini dəfələrlə gücləndirən kimyəvi reaksiyalar gedir. Qəlyan çəkmənin texnikası tüstünü daha güclü sormağı tələb edir. Bu zaman isə kanserogen maddələr tənəffüs sisteminin daha dərin qatlarına işləmiş olur. Qəlyançəkmə 30-40 dəqiqə davam edir ki, bu da daha çox tüstü qəbul etməyə gətirib çıxarır. Qəlyan çəkərkən 36 dəfə çox qətran, 15 dəfə çox isə beyini zəhərləyən dəm qazı qəbul edilir.
Məlumatı hazırladı F. Rüstəmova