Ana südü körpə üçün həyat eliksiridir. Mənimsənilməsinə görə ana südü daha yaxşıdır . Çünki sünii uşaq qidası ilə müqayisədə həzm sistemindən 2 dəfə daha tez sorulub xaric olur. Ana südünün enzimləri hər qidalanma zamanı vacib olan elementlərin yaxşı mənimsənilməsinə yardım edir.Ana südü ilə qidalanan uşağın stula və sidiyə getməsi nizamlı olur. Sünii qidalanan uşaqlarda bəzən 1 həftə və daha çox stul ləngimələri, uşaqda köp, bağırsaq kolikası olur. Ana südünün komponentləri infeksiyalara qarşı davamlılığı artırır və immunitetin formalaşmasını təmin edir. Canlı substansiya olaraq antitela adlanan milyonlarla canlı hüceyrə daşıyır. Uşağın beyninin inkişaf sürəti ilk aylarda daha çox olur. Belə ki, yuxu zamanı da beyində keçirici yollar inkişaf edir ki, bu vaxt lazım olan yağlar və şəkər ana südündə daha ideal tərkiblidir. Belə uşaqların yüksək intellektual göstəriciləri və uşaq emosional olaraq çox rahat olur. Körpə anasının isti qucağında özünü tam təhlükəsiz hiss edir. Anasına və dünyaya inam hissi və Ana ilə övlad arasında bir energetik bağlılıq olur.
Hazırladı F. Rüstəmova