Ağcaqanadlar bəzi insanları digərlərinə görə daha cəlbedici bilirlər və həmin insanı daha çox sancırlar. Bunun səbəbini Amerikalı alim, fəlsəfə doktoru, Amerika ağcaqanadlarla mübarizə assosasiyasının konsultantı Co Konlon deyir ki, bəzi insanların bədənində elə kimyəvi birləşmələr ifraz olunur ki, onların iyi ağcaqanadları cəlb edir. Bu cür birləşmələr 400-dən çoxdur. Fəlsəfə doktoru, Florida universitetinin fəxri professoru Cerri Batler araşdırıb ki, insan qanını soran dişi ağcaqanadlardır, erkəklər deyil və bu qan onlara mayalanma üçün lazımdır və vacibdir. Həm belə nəticəyə gəlmək olar ki, hər adamın qanı da dişi ağcaqanadlara yararlı deyil. Ağcaqanadların 170 milyon illik mövcudluq tarixi var. Anofeles ağcaqanadları malyariya ağcaqanadlarıdır. Spesifik tərdən əlavə onları hərəkət və karbon qazı da cəlb edir. Tez tez yeriyən adamlar karbon qazı çox verdiyi üçün onun başı ustünə daha çox gəlirlər. Ağcaqanadlarla mübarizə üçün kimyəvi repellentlər var. Amma bilmək vacibdir ki, çox şirniyyat yeyənlər daha çox onlara cəlbedici gəlirlər. Sancmadan sonra qaşınma zamanı çay sodası məhlulu ilə silmək müsbət təsir edir. Adi kordiamini bədənin açıq yerlərinə çəkəndə və yaşıl çay içəndə ağcaqanadlar yaxın gəlmir.

Məlumatı hazırladı: F. Rüstəmova