İsrail Qəzza zolağına hücumları dayandırmaqdan imtina edib.

Axar.az xəbər verir ki, bunu İsrailin energetika naziri Eli Koen deyib.

Onun sözlərinə görə, son 72 saat ərzində təhlükəsizlik kabineti Sülh Şurası tərəfindən təklif edilən və HƏMAS-ın tərksilah edilməsini, İsrail qoşunlarının geri çəkilməsini və Qəzzaya nəzarətin texnokratik administrasiyaya verilməsini tələb edən planı müzakirə etməyib.

Qeyd edək ki, ABŞ Prezidenti Donald Tramp Qəzzada HƏMAS və Sülh Şurası arasında tam tərk-silah barədə razılıq əldə olunduğu barədə məlumat vermişdi.