Söhbət zamanı qarşı tərəfin sözünü tez-tez kəsən insanların bu davranışının arxasında müxtəlif psixoloji amillər dayana bilər.

Medicina.az xəbər verir ki, bəzi hallarda bu vərdiş diqqət çəkmək, söhbətə nəzarət etmək və ya öz fikrini daha vacib göstərmək istəyi ilə bağlı olur. Digər hallarda isə insanın fikrini unutmamaq qorxusu və ya impulslarını idarə etməkdə çətinlik çəkməsi səbəb ola bilər.

Psixoloqlar bildirirlər ki, xüsusilə diqqət çatışmazlığı və hiperaktivlik pozuntusu olan bəzi şəxslərdə düşüncəni gözlətmək çətinləşdiyi üçün belə davranışlar daha çox müşahidə edilə bilər.
Mütəxəssislər qeyd edirlər ki, davamlı şəkildə söz kəsmək ünsiyyətdə problemlər yarada bilər və bu davranışın səbəbini anlamaq münasibətləri yaxşılaşdırmağa kömək edə bilər.