Korova/İnək - digər heyvanlara nisbətən daha gec, yəni iri buynuzlu heyvanlar evcilləşdikdən sonra totemləşib. Təxminən eramızdan 4500 il əvvəl evcilləşən Korova; Rus, Ukrayna və Belarus dilində inək deməkdir. İnək bir çox tanrı və tanrıçaların simvoludur. Memfisdə xüsusi məbədi olan müqəddəs Buğa Apis; Qədim Misir inanclarına, mifologiyasına görə Ptah və Osir tanrısına həsr edilmişdi. Gök/Göy tanrıçası və ana tanrıça Nu/Nut; inək cildinə girərək Api buzovunu doğur. Gün ərzində buzov böyüyərək Buğaya çevrilir və yenidən tanrıçanın əri olur. Belə anlaşılır ki, “inək/buğa” günəşlə və onun tsiklləri ilə bağlıdır. İnək və Buğa/Buxis kosmik gücü ehtiva edən ilahi cütlükdür. İnək Böyük Ananın və bütün Ay tanrıçalarının simvoludur. O, səmanın, yerin məhsuldarlıq gücünün, artıb çoxalmanın, uşaq doğmanın və analıq instinktinin, südü isə “Süd Yolu“nun rəmzidir.

Onun buynuzlarının arasındakı dairə isə yenidən doğum və ölüm kimi; günəşi, buynuzları hilalı, ayparanı, bəzən də həmin dairə dolunayı təcəssüm etdirir. Api; Skiflərin/Quzların anası hesab edilir. Api; Heraklın oğulları olan Aqafirs, Gelon və Skifin anasıdır. Bəzi versiyalara görə isə Api; çay tanrıçası Börusfen ilə Zeusdan doğulmuş ilk insan olan Targitayın təcəssümüdür. Anadoludakı Toros/Taurus, yəni Buğa və ya Min Buğa dağlarıdır. Anadolu Torların, buğaların, işıqların ölkəsidir. Bu gün qütblərin yerdəyişməsi ilə əlaqədar olaraq şimal yarımkürəsində, qışda aydın görünən Buğa bürcü; Mu və Atlantis sivilizasiyası zamanında yaz aylarında görünürmüş. Babil astronomiyasında Taurus/Buğa bürcü; “Göylərin və ya cənnətin buğası”olaraq tanınır.
“Hor sivilizasiyası və onun günümüzdə izləri” kitabından. F. Rüstəmova