Fransa və müttəfiqləri 12 mindən çox hərbçinin iştirak edəcəyi “ORION 2026” hərbi təliminin aktiv mərhələsinə başlayır.

Globalinfo.az xəbər verir ki, bu barədə “Parisien” məlumat yayıb.

Nəşr qeyd edir ki, qoşunların üçdə biri Parislə müttəfiq olan digər ölkələrdən gəlib.

“Onlar 8 fevral – 30 aprel tarixləri arasında tədricən Fransa boyunca yerləşdiriləcək. Təlimlərə həmçinin 140 təyyarə və helikopter, 1200-dən çox dron, zirehli transportyorlar və tanklar da daxil olmaqla 2150 texnika, eləcə də “Şarl de Qoll” təyyarədaşıyan gəmisi cəlb olunacaq”, – deyə bildirlib.

Qeyd edək ki, bundan əvvəl təlimlər üçün Britaniya və Amerika tankları Rusiya sərhədi yaxınlığında yerləşdirilmişdi. Sözügedən proseslər Moskva ilə münaqişəyə hazırlıq kimi qiymətləndirilir.