Almaniya Bundesveri sentyabrda “Rusiya hücumu” ssenarisini tətbiq etmək üçün kütləvi hərbi təlimlər keçirəcək.

Publika.az xəbər verir ki, bu barədə Bild qəzeti məlumat yayıb.

Təlimlərə NATO ölkələrindən də əsgərlər cəlb olunacaq. Ümumilikdə 800.000-ə qədər əsgər “rus hücumuna” hazırlaşa bilər.

“Hamburq sentyabrın 25-dən üç gün ərzində hərbi mərkəzə çevriləcək. Bundesver “Qırmızı Fırtına Bravo” adlı genişmiqyaslı təlimlərə başlayır. Ssenari Rusiyanın Qərbə hücumudur”, – məqalədə deyilir.

Xatırladaq ki, bu yaxınlarda Rusiya Xarici İşlər Nazirliyinin üçüncü Asiya departamentinin direktoru Lyudmila Vorobyeva bəyan edib ki, Rusiya NATO-nun Asiya-Sakit okean regionunda keçirilən təlimlərində iştirakçıların sayının artmasından narahatdır.

Martın 13-də "Bloomberg"in yaydığı məlumatda deyilirdi ki, Böyük Britaniyanın Baş naziri Kir Starmer və Fransa Prezidenti Emmanuel Makron 37 ölkəni Ukraynaya sülhməramlılar göndərmək istəyən “istəklilər koalisiyası” yaratmaq üçün cəlb etməyə çalışırlar.