Böyük Britaniya Rusiya ilə bağlı sanksiya siyahısını genişləndirib.

Publika.az xəbər verir ki, bu barədə Krallığın Maliyyə Sanksiyalarının İcrası İdarəsi (OFSI) rəsmi hökumət saytında məlumat yayıb.

Qeyd olunur ki, London ümumilikdə sanksiya siyahısına 43 yeni ad əlavə edib. Bunların sırasında 32 hüquqi şəxs və 11 fiziki şəxs yer alır.

Sanksiya tətbiq olunan 11 Rusiya vətəndaşından 9-nun Rusiya Silahlı Qüvvələri Baş Qərargahının Baş Kəşfiyyat İdarəsinin (QRU) əməkdaşı olduğu iddia edilir.

Böyük Britaniya tərəfi bu addımın Rusiyaya qarşı təzyiq siyasətinin tərkib hissəsi olduğunu qeyd edib.