Rusiya lideri Vladimir Putin Ukrayna Prezidenti Vladimir Zelenskiyə o qədər həqarətlə baxır ki, heç vaxt onun adını çəkmir. Kreml onun qeyri-legitim lider olduğuna inanır və rus təbliğatçıları onu “təlxək” adlandırırlar.

Teleqraf xəbər verir ki, bu barədə “The New York Times” yazıb.

Nəşrin fikrincə, ABŞ Prezidenti Donald Tramp Zelenski və Putin arasında görüş hazırlığına başlasa da, belə bir təmasın baş tutması mümkün görünmür.

NYT bildirib ki, Putin üçün belə bir görüş Tramp Zelenskini Rusiya liderinin Ukrayna ərazisi ilə bağlı tələbləri ilə razılaşmağa məcbur edərsə, Rusiyada “qələbə” kimi qəbul olunacaq sülh sazişinin imzalanması baxımından bir yol ola bilər. Belə bir görüşün siyasi riskləri də ola bilər, çünki Kreml Zelenski ilə görüşün Rusiya liderinə “layiq olmadığını” açıq şəkildə bəyan edib.

Nəşr xatırladıb ki, Tramp və Zelenski arasında keçirilən görüşdən sonra Rusiya dövlət televiziyası Rusiya və Ukrayna prezidentləri arasında mümkün danışıqları müzakirə etməyib. Üstəgəl, Kremlin nəzarətində olan telekanallar Zelenskini ələ salıblar.

Bununla belə, analitiklər Putinin belə bir görüşün keçirilməsinin faydalı olduğuna qərar verərsə, təbliğatçıların ritorikasının tez dəyişəcəyini proqnozlaşdırırlar.