“ABŞ lideri Donald Tramp və Rusiya Prezidenti Vladimir Putin arasında danışıqlar bir çox suallar doğurub. Kremlin hələ də müharibəni bitirmək niyyəti yoxdur”.

Teleqraf “RBC-Ukrayna”ya istinadən xəbər verir ki, bunu Ukrayna Prezidenti Volodimir Zelenski jurnalistlərlə söhbəti zamanı deyib.

Ukrayna lideri bildirib: “Rusiya lideri müharibəni bitirmək istəmir. Putin sonunda Trampı aldadacaq və bunu bütün dünya görəcək.

Putin yalnız güclü təzyiq altında bəzi addımlar atmağa razılaşa bilər. Başqa yol yoxdur.

Amerika və Rusiya prezidentlərinin öz aralarında nə danışdıqlarını bilmirəm. Amma mən prezident kimi Ukrayna məsələsində maraqlıyam. Hesab edirəm ki, Ukraynasız Ukrayna haqqında danışmaq düzgün deyil. Ukrayna haqqında danışmaq və bəzi məsələləri bizsiz həll etmək ədalətsizlikdir".