"Prezident Co Baydenin administrasiyası İsrail hakimiyyətinin diqqətini genişmiqyaslı əməliyyatlara deyil, Fələstinin HƏMAS radikal hərəkatının rəhbərliyinə qarşı məqsədyönlü mübarizəyə yönəltməsini istəyir".

Publika.az xəbər verir ki, bunu ABŞ prezidentinin milli təhlükəsizlik üzrə köməkçisinin müavini Conatan Fayner ABC telekanalına müsahibəsində bildirib.

"Son bir neçə gün və həftələr münaqişənin fazasında dəyişikliyin başlanğıcını gördük. Biz İsrailin yüksək dəyərli hədəflərə, HƏMAS rəhbərliyinə daha çox diqqət yetirməsini istərdik" - Fayner deyib.

Bundan əvvəl İsrailin hakim Likud partiyasından olan Knesset üzvü Dani Danon ABŞ-ın İsrailə təzyiq etdiyini etiraf edib.

İsrailin baş naziri Benyamin Netanyahu isə ABŞ prezidenti Co Baydenlə söhbəti zamanı fələstinlilər üçün dövlət yaradılması ideyasını rədd etmişdi.

Hüseyn İbadlı