"Qəzza zolağında Fələstinin radikal HƏMAS qruplaşması tamamilə məhv edilənə qədər ölkə hərbi əməliyyatları dayandırmayacaq".

Publika.az xəbər verir ki, bunu İsrailin baş naziri Benyamin Netanyahu deyib.

Onun sözlərinə görə, İDF-yə hökumət tərəfindən girovları geri qaytarmaq və Qəzzanın artıq ölkə üçün təhlükə olmamasını təmin etmək əmri verilib.

"Bütün bu məqsədlərə çatana qədər müharibəni dayandırmaq olmaz", - deyə siyasətçi bildirib.

Baş nazir əlavə edib ki, İsrail HƏMAS-a "heç bir yerdə toxunulmazlıq" vermir. Onun sözlərinə görə, hökumət İsrailin həm cənubda, həm də şimalda təhlükəsizliyini təmin etmək üçün əlindən gələni edir.

Bundan əvvəl İsrailin baş naziri Benyamin Netanyahu xəbərdarlıq etmişdi ki, "Hizbullah" hərəkatının fəallaşması və onun İsraillə HƏMAS arasındakı münaqişədə iştirakı dağıdıcı nəticələrə gətirib çıxaracaq.

Hüseyn İbadlı