Çin Yaponiya, Cənubi Koreya və ABŞ-a sərt etirazının bildirib.

Publika.az xəbər verir ki, bu barədə Çin Xarici İşlər Nazirliyinin sözçüsü Vanq Venbinq məlumat verib. O vurğulayıb ki, Çin bu ölkələrin liderlərinin Tayvan məsələsi ilə bağlı bəyanatından sonra Yaponiya, Cənubi Koreya və ABŞ-a kəskin etirazını çatdırıb.

Vanq Venbinq Co Bayden, Fumio Kişida və Yun Seok Yeolun mövqeyini böhtan kimi qiymətləndirib və Çinin suverenliyini və təhlükəsizlik maraqlarını qorumağa davam edəcəyini bildirib.

Qeyd edək ki, Kemp Deviddə keçirilən sammitin nəticəsi olaraq üç ölkə lideri Çinin Cənubi Çin dənizində təhlükəli davrandığı haqda bəyanat yaymışdı.