Pxenyan ABŞ-ın Cənubi Koreya ilə birgə hərbi təlimləri genişləndirməsini “ən sərt” reaksiya ilə hədələyib.

Publika.az xəbər verir ki, ABŞ Hərbi Hava Qüvvələrinin B-1B bombardmançıları, F-22 qırıcıları və Cənubi Koreya Hərbi Hava Qüvvələrinə məxsus F-35 qırıcıları keçən ay birgə hava təlimi zamanı Cənubi Koreya üzərində uçub.

Şimali Koreya Cənubi Koreya və ABŞ-ı birgə hərbi təlimlərə görə tənqid edərək bildirib ki, təlimlər Koreya yarımadasındakı vəziyyəti “həddindən artıq qırmızı xətt”ə gətirib çıxarıb və regionu böyük bir müharibə arealına və daha böyük kritik müharibə zonasına çevirməklə hədələyib.

Şimali Koreyanın cümə axşamı yaydığı bəyanatda, həmçinin “ən sərt” cavab veriləcəyi deyilib.

Vaşinqtonun “düşmən” siyasət yürütdüyü müddətcə, Pxenyanın dialoqda maraqlı olmadığı bildirilib.