Şimali Koreyanı təhrik edərkən, Vaşinqton və Seul Şimali Koreyanın nüvə silahlarını nəzərə almalıdırlar.

Publika.az xəbər verir ki, bu barədə Şimali Koreyanın Mərkəzi Xəbər Agentliyinin yaydığı bəyanatda deyilir.

"Birləşmiş Ştatlar və onun ardıcılları heç vaxt unutmamalıdırlar - xalqımızın və KXDR ordusunun özəlliyini, boş bəyanatlarla çıxış etməmələrini" - bəyanatda deyilir.

Həmçinin qeyd edilib ki, əgər məhdudlaşdırma tədbirləri amerikalılara və cənubi koreyalılara təsir etməzsə, o zaman Pxenyanın cavabının nə olacağı tamamilə aydındır.

KXDR hərbi təxribatlara lazımi reaksiya verəcəyini vəd edib və rəqiblərini mümkün cavab tədbirləri barədə düşünməyə çağırıb.

Şimali Koreyanın açıqlaması son vaxtlar ABŞ və Cənubi Koreyanın hərbi təlimlərinin artması fonunda verilib. Bundan əlavə, Vaşinqton və Seul iyun ayında hava qüvvələri, donanma və piyadaların iştirakı ilə tarixdə ən böyük birgə hərbi təlim keçirməyi planlaşdırır.