Ukrayna artıq təhlükəni qismən adlatsa da, zərərsizləşdirsə də, Rusiya inadkar planından əl çəkmək istəmir.

Bu sözləri Axar.az-a hərbi ekspert Üzeyir Cəfərov Ukrayna-Rusiya müharibəsinin gedişi ilə bağlı danışarkən bildirib.

“Bu həftə daha ağır həftə olacaq. Bu da Rusiya üçün iqtisadiyyatda, siyasi və hərbi arenada özünü göstərəcək. Rusiyanın təcrid olunması prosesi həyata keçirilir. Hazırda da Ukraynanın şəhərlərinə hücumlar davam etdirilir. Amma Ukrayna kritik dönəmi keçib. Rusiya bu ağılsız hücumunu dayandırmasa, fəlakətin miqyası həddindən artıq geniş olacaq. Rus generalları Putini aldatdılar. Putin onlara güvənib çox böyük səhvə yol verdi. Onlar düşünürdü ki, iki günə Kiyevdə oturacaqlar. Ukrayna xalqı döyüşkən xalqdır, öz ərazi bütövlüyünü qoruyur, müdafiə edir.

Bir sözlə, bu müharibə dünyada çox ciddi dəyişikliklər edir”, – ekspert qeyd edib.