Dünya üzrə koronavirusa yoluxanların sayı 209 839-a çatıb.

Publika.az xəbər verir ki, bu rəqəmlər Ümumdünya Səhiyyə Təşkilatının (ÜST) hesabatında əksini tapıb.

Məlumata görə, 8,7 mindən artıq insan xəstəliyin qurbanı olub.

ÜST son sutka ərzində dünyada 16 556 yeni yoluxma faktının qeydə alındığını, onlardan 58-nin Çində aşkarlandığını təsdiqləyib.

Təşkilatın məlumatına görə, koronavirusdan bir gün ərzində 828 nəfər ölüb.

Qeyd edək ki, ÜST koronavirusla bağlı hesabatını gündə bir dəfə açıqlayır. Hazırkı hesabat martın 19-u Bakı vaxtı ilə saat 03:00-ın məlumatıdır.