Bu fəsildə gözlərimizi infeksiyalardan daha ciddi qorumalıyıq.
Xanim.az xəbər verir ki, 'gər yay fəsli gözün allergik xəstəlikləri ilə yadda qalmışdısa, hazırda onun yerini gözün mikrob xəstəlikləri tutub. Bunun əsas səbəbi isə insanların daha çox qapalı və sıx mühitlərdə olmaları ilə izah edilir.
Türk Cümhuriyyətləri Oftalmoloji Birliyinin sədri Paşa Qəlbinur da deyir ki, havaların soyuması nəticəsində gözün xüsusən təhlükəli olan virus infeksiyaları geniş yayılıb: "İnsanların qapalı məkanlarda uzun müddət vaxt keçirmələri gözün mikroblara tutulma ehtimalını yüksəldir. Odur ki, ehtiyat tədbirlərini artırmaq gərəklidir. Əgər ailə üzvlərindən kimsə qripə yoluxubsa, çalışıb onun qab-qacağını, dəsmallarını digərlərininkindən ayrı saxlamaq lazımdır. Həmçinin immun sistemi güclənsin deyə, meyvə-tərəvəzlərdən, xüsusən də soğan, sarımsaqdan bol-bol istifadə etmək faydalıdır. Düzdür, çoxları qoxusuna görə yeməkdən imtina edirlər, amma çalışıb şənbə-bazar günləri yemək yaxşı olardı".

Mütəxəssislərin fikrincə, bir neçə tədbirlə göz sağlamlığımızı qorumaq mümkündür. Qırmızı gözə diqqət edin: Qış mövsümündə üst tənəffüs yolu infeksiyalarıyla birlikdə gözlərin də qızarmış olduğunu görmək mümkündür. Üst tənəffüs yolu infeksiyalarıyla birlikdə seyr edən və viral faktorlar səbəbiylə ortaya çıxan qırmızı göz, sıxlıqla əlavə bir müalicə tələb etməməkdədir. Bəzi qırmızı göz faktları isə əksinə, daha şiddətli seyr edər və olduqca yoluxucudur. Bunun ən əhəmiyyətli nümunəsi də adenovirus konqonktiviti epidemiyalarıdır. Məktəblər və kütləvi nəqliyyat vasitələri ən sıx bulaşan yerlərdir. Adenovirus səbəbiylə inkişaf edən qırmızı göz ümumiyyətlə bağçalar, məktəblər, xəstəxanalar və kütləvi nəqliyyat vasitələrində sürətlə yayılır. Gözlərdə olduqca sıx qızarıqlıq olan bu xəstəlik 1 həftə, 10 gün kimi bir müddətdən sonra yaxşılaşar.

Əllərinizi tez-tez yuyun, qucaqlaşmaqdan qaçın: Xəstəliyin bulaşmasına maneə törətmək üçün əllər tez-tez yuyulmalı, qırmızı gözü olan kəslərlə qucaqlaşmaq və öpüşməkdən qaçınılmalıdır. Bu göz infeksiyasına tutulmuş kəslərlə eyni dəsmal və makiyaj vəsaitləri istifadə edilməməlidir. Adenovirus infeksiyası bəzi xəstələrdə gözün kornea təbəqəsinin də tutulmasına səbəb olmaqda və görməyi azalda bilməkdədir.

Qarlı və küləkli havalarda eynək taxmağı unutmayın: Soyuq və küləkli havalarda göz yaşı kanalı tıxanıqlığı olan xəstələrin şikayətlərində də artım olur. Göz yaşı kanal tıxanıqlığı, gözdə sulanmağa səbəb olur və bu davam etdikdə isə əməliyyatla müalicə ediləcək qədər irəliləyə bilir. Qarlı havalarda ultrabənövşəyi bloklu günəş eynəklərindən istifadə etmək məsləhətdir. Qar əks olunan günəş şüaları, gözün kornea, linza və retina təbəqələrin zərər verməkdədir. Bu səbəblə uzun müddət qarlı mühitdə vaxt keçirənlərin mütləq qoruyucu günəş eynəyi istifadə etməsi lazımdır.