Son dəqiqə
Askarid qurdu!
Askarid qurdu dünyada ən çox yayılmış helmintik qurddur. Qurdun uzunluğu 20-40 sm arasında dəyişir.
Askaridlər ən çox nazik bağırsaqda inkişaf edir və bir gündə 200 minə qədər yumurta qoyurlar. Bu qurdlar çox vaxt bağırsağın divarında və venaların ətrafında inkişaf edirlər. Bu təhlükəli qurdlar damarlar vasitəsilə ürəyə və ağciyərə gedə bilərlər. Bəzən ağız boşluğundan çıxan bu qurdlar insan orqanizmi üçün çox zərərlidirlər. Bəzən bağırsağın fəaliyyətini pozurlar ki, bunun da nəticəsində bağırsaq keçməzliyi yaranır və bunu da ancaq əməliyyat yolu ilə aradan qaldırmaq mümkündür.
Yoluxmadan 2-3 ay sonra askaridozun əlamətləri meydana çıxmağa başlayır:
• Uşaq tez-tez, xüsusən də gecələr qarında sancılardan şikayətlənir. Ağrılar birdən-birə başladığı kimi, birdən-birə də keçir
• Dərinin rəngi solğunlaşır, bəzən zəif sarılıq əmələ gəlir
• Uşağın çəkisi yaş normalarından geri qalır
• İştaha pozulur, bəzən qidaya qarşı ikrah hissi də yaranır
• Ürəkbulanma, qusma, ağız suyunun axması kimi əlamətlər yaranır
• Bağırsaq pozuntusu özünü ishal və ya qəbizliklə göstərir
• Bəzən nəcisdə qurdlar və ya onların hissəcikləri görünür
• İmmunitet zəifləyir, tez-tez soyuqdəymə, tənəffüs və bağırsaq infeksiyaları baş verir
• Uşağın yuxusu pozulur, gecə dişlərini qıcayır
• Anemiya (qanazlığı) yaranır
• Allergik əlamətlər meydana çıxır
• Nevrotik əlamətlər müşahidə edilir
Askaridlərin yaranma səbəbləri aşağıdakılardır:
• çirkli əllər
• yuyulmamış meyvə-tərəvəz
• tam bişməmiş qida
• çirkli su
• milçəklər.[/b][b]
