Xarı bülbül - Şuşanın simvoludur, Ağabəyim ağa ilə bağlı kövrək bir tarixçəsi olan və orxideya növündən olan bu gözəl çiçək, Antraktidan başqa dünyanın hər yerində bitir. Orxideyalar bülbül, arı, başmaq, dodaq, balerina, çağa, göyərçin və s. görkəmlərdə ləçəklərə malik olan, gözəl bir çiçəkdir. E.ə. tanınmış olan bu gözəl çiçəklər haqqında həm şəfaverici, həm magik, həm də mifik xüsusiyyətlərinə görə müxtəlif əfsanələr var. Bəzi əfsanələrə görə orxideyalar parçalanmış göy qurşağının hissəcikləridir. Digər əfsanələrə görə isə “Veneranın başmaqları”dır. Veneranın başmaqları adlanan Orxideyaya Cypripedium – Cyprus deyilir ki, bu söz Kipr adasının adından götürülüb və tanrıça Veneranın vətəni Kipr adası hesab edilir. Bəzi müəlliflər orxideyanın 80 milyon yaşı olduğunu deyir. Orxideyanın digər bir növü olan İris/Süsən çiçəyi – milyon illərdir təbiətdə bitir. Florensiyanın rəmzi olan İris haqqında ən dəqiq mənbə 4000 il yaşı olan freskalarda vardır. Florensiya çiçəklənən deməkdir. İris gecələri sahildə kiçik mayaklar kimi parlayaraq dənizçilərə yol göstərirmiş. Tanrıça İrida bir dəfə göy qurşağı üzərində yerə enibmiş. O zamandan göy qurşağının hissəciklərindən yaranan İris; elə göy qurşağı kimi rəngarəng çiçəklər açır.
“Hor sivilizasiyası və onun günümüzdə izləri” kitabından. F. Rüstəmova; AJB-nin üzvü.[/b][b][center]