Erməni məktəblərində “Erməni kilsəsi tarixi”nin tədrisi ətrafında mübahisələr səngimir. Ermənistanın Təhsil Nazirliyi və Üçkilsə (Eçmiədzin) monastrı bu məsələdə ortaq məxrəcə gəlməyib.

Publika.az xəbər verir ki, bu barədə “Past” qəzeti yazır.

Nəşr qeyd edir ki, fənnin 2023-cü ildə kurrikulumdan çıxarılması planlaşdırılırdı, lakin Üçkilsə monastrı ilə nazirlik arasında bu mövzuda müzakirələrin aparılması üçün razılıq əldə olunub. Bundan başqa, kilsə və şöbə həm də erməni kilsəsinin tarixinin tədrisinin sonrakı üsullarını nəzərdən keçirmək üçün komissiya yaradıblar.

Ötən gün Üçkilsədə bütün ermənilərin katolikosu II Qaregin təhsil, elm, mədəniyyət və idman naziri Janna Andreasyanla görüşüb. Həmin iclasda ÜAK rəhbəri məqbul həll yollarına və bu məsələ ilə bağlı müzakirələrin bərpasına ümid etdiyini bildirib.

“Past” yazır ki, Üçkilsədə keçirilən görüş kifayət qədər uzun çəksə də, tərəflər əslində heç bir nəticə əldə etməyiblər. Nəşr öz mənbələrinə istinadən qeyd edir ki, nazirlik ümumtəhsil üzrə meyarların müəyyən edilməsi metodologiyasına sadiq qalıb, bu isə o deməkdir ki, “Erməni kilsəsinin tarixi” fənni kurikulumdan çıxarılacaq.