Ermənistan Baş naziri Nikol Paşinyan doğum günündə ermənilərin katalikosu II Qaregini təbrik etməyib.

Publika.az xəbər verir ki, bu barədə “Hraparak” qəzeti yazıb.

Erməni nəşri katalikos və baş nazir arasındakı gərginliyə diqqət çəkib:

“Nikol Paşinyanla Ermənistanın Apostol Kilsəsi arasında müçasibət müharibədən sonra geridönməz şəkildə pozulub. Əslində, Paşinyan dövlət institutlarının dəyərinə və onların roluna özünün şəxsi prizmasından baxır.

Bu il də o, katolikos II Qaregini avqustun 21-də qeyd olunan ad günü münasibətilə təbrik etməyib. Amma Paşinyan hakimiyyətə gəldikdən sonra üç il ardıcıl onu təbrik edib.

Müharibədən sonra katolikos hakimiyyəti açıq şəkildə tənqid etdikdən sonra Paşinyanla münasibətlər pozulub. Bəzi məlumatlara görə, hökumətin nəzarətində olan mediaya katolikosun fəaliyyətini heç bir şəkildə işıqlandırmamaq tapşırılıb”.