Qədim Yunanıstanda çox populyar olan bu bitkiyə əfsanə və miflər qoşulmuşdur. O əfsanələrdən biri Zeus və ona itaət etməyən sevgilisi ilə bağlıdır. Romada varlıların qidası sayılan Ənginar adətən günəşli yerlərdə bitər. Egey əfsanələrinə və şair Kvintu Qorasiya Flakkaya görə Ənginar Zinara adasında yaşayan Kinara adlı gənc bir qız olmuşdur. Əfsanədə söylənilir ki, Zeus qardaşı Poseydonun qonağı olarkən sahildə gəzişən gözəl və gənc qız Kinaranı görür. Zeus çox uzun müddət bu gözəl və ölümlü qızı ona yaxınlaşmadan seyr edir. Amma Kinara Zeusdan çəkinib qorxmadan onu yoldan çıxarır. Baş Tanrı qızın gözəlliyinə o qədər məftun olur ki, ona özü ilə birgə Olimpdə yaşamağı təklif edir. Kinara bu təkliflə razılaşır. Bir gün qız öz anası və evləri üçün darıxır və icazəsiz olaraq öz əzizlərini və insanları ölümlü dünyada ziyarətə gedir. Kinara qayıtdıqda həddən artıq əsəbləşmiş Zeus onu itələyir, qız yıxılır və həmin an heç vaxt yer üzündə görünməmiş olan Ənginar bitkisi bitir.
Amma Kinara sözü ilə Ənginar sözünün nə qədər bir-birinə bənzər olması da açıq-aydın görünür.
Deyilənə görə bu əfsanə məhşur Roma şairi Qorasi (e.ə. 65–8) tərəfindən qələmə alınmışdır. Həmin mif F.Rablenin (1494-1553) “Qarqantua və Pantaqruel” romanında da verilib.
Ənginardan alınmış dərman preparatları:
-Artişok/Ənginar ekstraktı-Evalar N 60 tab.
-Ənginar ekstraktı/Extract of Artishoks N 20.
Hipolipidemik, diuretik, dezintoksikasio, hepatoprotektiv, xolesterini nizamlamaq və ödqovucu təsirlərə malikdir.

Müəllif: Firəngiz Rüstəmova
"TƏBABƏT VƏ MİFOLOGİYA: GÖRÜNƏN VƏ GÖRÜNMƏYƏN ƏLAQƏLƏR" kitabından