Bundan öncəki yazımızda göstərildiyi kimi, Mastodinonun tərkib hissələ-rindən biri də Lilium candidum /Ağ Zanbaq bitkisidir ki, bu bitki haqqındakı mifoloji hadisəni yada salmaq yerinə düşərdi. Ümumiyyətlə isə, bu əfsanə Ağ Zanbağın timsalında bütün Zanbaq növlərinin yer üzündə yaranması əfsanəsidir. Böyük Tanrı Zeus qaranlıq bir gecədə Olymp dağından enir. Thebai kəndinə gəldiyində gözəllər gözəli, kraliça Amphitriona heyran qalmış və beynində onun vasitəsilə insanların yardımına çatacaq bir qəhrəman yaratmaq xəyalı qurur. Kralın səfərdə olduğu bir gecədə Amphitrionu əldə etməyi bacarmış və bu bərabərlikdən bir oğlan uşağı dünyaya gəlmişdir. Bu çocuğun Tanrısallaşması üçün ana tanrıça Heradan süd əmməsi lazım imiş. Amma qüruru qırılan Hera bunu qəbul etməmiş. Bir gecə Hera yatarkən Zeus uşağı onun qucağına qoymuş və Herakl, yəni həmin uşaq ac olduğu üçün acgözlüklə süd əmməyə başlamış və onun ağzından süd ətrafa sıçramışdır. Əfsanəyə görə, həmin südün sıçradığı hər bir damladan ağ zanbaqlar yaranmışdır. Bu gün istər rəsmi tibbdə, istər xalq təbabətində məhz süd vəzi xəstəliklərinin müalicəsində işlədilməsilə, Zanbağın yaranma əfsanəsi arasındakı uyğunluq aydın görünür.
Digər bir məqalədə yenə predmenstrual sindromun, qadınlarda hormonal disfunksiyaların, mastopatiyaların homeopatik üsulla müalicəsi verilmişdir.
Bu homeopatik preparatın adı “Dismenorm”dur. Bir tabletinin tərkibində: Agnus castus (125 mq), Pulsatilla D3 (25 mq), Rosmarinus officinalis D2 (25 mq), Apis mellifica D3 (25 mq), əlavə olaraq laktoza monohidrat, maqnezium stearat, buğda kraxmalı var.
Əsas tərkib hissəsi olan-Viteks-agnus-kastus; Adi ərkudə - yumurtalıq sisteminin funksiyasını bərpa edir. FSH, LH, estro-gen və progesteronun səviyyəsini nizamlayır.

Müəllif: Firəngiz Rüstəmova
"TƏBABƏT VƏ MİFOLOGİYA: GÖRÜNƏN VƏ GÖRÜNMƏYƏN ƏLAQƏLƏR" kitabından