Az qala unudulmaqda olan, qara kök adlanan tərəvəz insan orqanizminə verdiyi faydalara görə narıncı kökə rəqib ola bilər. Qara kökün vətəni orta əsrlərdə cənub qərbi Avropa, əsasən də İspaniya olub. Salnaməçilərin yazdıqlarına görə qara kök taun epidemiyaları zamanı insanların immunitetini, müqavimətini artırmaq məqsədilə istifadə olunub və xeyirli olması barəsində tutarlı məlumatlar var. Bu tərəvəzdən həm xaricə, həm də daxilə işlədilən bir vasitə kimi zəhər əleyhinə olaraq ilan sancmalarında işlədiblər. Narıncı kök əsasən A vitamini ilə zəngindirsə, qara kökdə demək olar ki, A vitamini yoxdur. Əsasən C vitamini ilə zəngin tərkibi var. Minerallardan isə kalium, maqnezium, dəmir, fosforla zəngindir. Ən çox da bu tərəvəz təbii polisaxarid, maddələr mübadiləsini yaxşılaşdıran, diabet xəstələri üçün daha çox əhəmiyyətə malik olan inulinlə zəngindir.
Ailə həkimi klinikası[b][/b]