Əqiq/Aqat- “Xoşbəxtlik daşı” və uğurun simvolu hesab edilir - qiymətli daşların ən dəyərlilərindən biri də qədim yunanların “aqatos” adlandırdıqları əqiqdir. Yunanca mənası “xoşbəxtlik” deməkdir. Bəzi mənbələrə görə isə daşın adı ilk dəfə tapıldığı Siciliya adasındakı Axates çayından götürülüb. Bu daş öz enerjisi ilə özünüzü pis hiss etdiyiniz və stres keçirdiyiniz anlarda sizə nikbinlik bəxş edir. Bədnəzərə qarşı təsirləri var. Tarix boyunca əqiq daşlarından hazırlanmış möhür, düymə və üzüklər çox məşhur olub. Ondan bəzək və tilsim əşyaları, bıçaq tiyələri də hazırlanıb. Əqiq mineralından gözmuncuğu hazırlayıb uşaqların biləyinə, sinəsinə bağlayırdılar. Onun uşaqları bədnəzərdən, göz dəyməsindən xilas etdiyini düşünürdülər. İntibah dövründə isə İtaliyada sənətkarlar əqiqdən talisman kimi istifadə edirdilər. Hələ Orta əsrlərdə toz halına salınmış əqiq daşı su ilə qarışdırılaraq ilan və əqrəb sancmaları zamanı yaranın üzərinə çəkilirdi. Həm o zamanlar, həm də müasir dövrdə əqiq ən şəfalı daşlardan hesab olunur. Podaqra və oynaq xəstəlikləri zamanı əqiq daşlı bilərziklər taxmaq məsləhətdir. Ürək xəstəliklərindən əziyyət çəkənlər bu daşdan olan üzükləri sol əlin adsız barmağına, əsəb xəstəliyi olanlar, yuxusuzluğa məruz qalanlar, səbəbsiz qorxu, narahatlıq hissi keçirənlər isə sağ əlin orta barmağına taxsalar, yaxşı olar. Əqiq broşlar isə astma, sətəlcəm, bronxitdən xilas olmağa kömək edir. Əqiqin şüanı dəfetmə xüsusiyyəti kompüter istifadəçilərinə çox xeyirli ola bilər.
Qaraciyərə, gözə xeyirlidir. Əqiq fiziki və ruhi yorğunluğu, stresi aradan qaldırır, onu gəzdirən şəxsi təhlükələrdən qoruyur, mühitə uyğunsuzluğunu aradan qaldırır. Əqiq həm qadınlarda, həm də kişilərdə cinsi funksiyanı yaxşılaşdırır.
Osteoxondroz zamanı ağrını götürür, ürək-damar sisteminin işini normallaşdırır. Dəri infeksiyalarında və problemli dərilərin müalicəsində faydalıdır. Hamiləlik zamanı həm ananın, həm də körpənin sağlamlığı üçün xeyirli olduğundan gələcək anaların bu daşdan istifadə etməsi məsləhətdir.
Bioenerji uzmanı Belgin Dala görə Əqiq/Aqat - sərt olmasına rəğmən bu daşın işıq keçirən bir yapısı vardır. Məhəmməd a.s. peyğəmbərin möhür olaraq kullandığı yüzük də əqiq daşlıdır. Əqiq daşının bədən ilə təması zamanı daha çox müsbət təsirə malik olması düşünülür. Əqiq daşı əskidən Yəmən daşı olaraq bilinirdi. Romalılar daşı tılsım olaraq üzük barmaqlarına taxarlardı. 2000 ildir bilinən daşa olan inanc Viktoria dönəmində pik nöqtəsinə çatmışdır.

Müəllif: Firəngiz Rüstəmova
"FOLK VƏ YA XALQ TƏBABƏTİ" kitabından