Litoterapiya qeyri ənənəvi müalicə üsulu olub, yunan dilində: λίθος — daş, θεραπεία — terapiya/müalicə deməkdir.
Litoterapevtlərə görə daş susuzluğu azaldır, radioaktiv şüaların qarşısını alır, ürək-damar, sinir sistemi xəstəliklərində, tənəffüs yolları, diş və oynaq xəstəliklərində, mənəvi tarazlığa nail olmaqda yardım edir.
Akvamarin - görməni yaxşılaşdırır, intuisiyanı inkişaf etdirir, dəri və qalxanabənzər vəzi xəstəliklərində, diş ağrısı, mədə-bağırsaq, immun sistemi möhkəmləndirməkdə, fobiyaları aradan götürməkdə faydalıdır. Almaz - göz, nəzər dəymədə, qeyri-təmiz qüvvələrdən qurtulmağa, zəhərlənmələrdə tövsiyə edilir. Amma onu nəsildən gələn hədiyyə kimi qəbul etmək daha məsləhətlidir, nəinki satın almaq.
Dağ bülluru - orqanizmin müdafiə qüdrətini möhkəmləndirir, sahibinin psixikasını harmonizə edir, müxtəlif böyrək, qara ciyər və digər xəstəliklərin müalicəsinə kömək edir.
Qədim Misirdə Amenxotepin zamanında mirvaridən hazırlanmış tozlardan yaraların, əziklərin müalicəsində, yerli qankəsici müalicə vasitəsi olaraq istifadə edilərdi. Mirvarinin üzərindəki araqonit və konxin qatlarından dərman hazırlayardılar, perlamutr qatını isə fironların və kahinlərin heykəlciklərinin üzərini boyayardılar. Kəhrəbanın “zəkanı işıqlandırmasına” və beyin qan dövranını artırmasına inanıldığına görə Tutanxamonun tacına iri bir kəhraba qoyulmuşdu.
Mirvari - antik ənənələrə görə bu incə bəzək əşyasını dəniz köpüklərindən yaranan, sevgi tanrıçası Venera üzərində daşımışdır.
Qədim Romada tanrıça İsidanın şərəfinə üstlərində gəzdirdikləri və talisman hesab etdikləri mirvarinin - köpəkbalığının hücumundan tutmuş, ağılsızlığın şəfasına qədər bütün dərdlərə dərman olmasına inanılırdı.
Dərman kimi istifadə edildikdə qanın tərkibini yaxşılaşdırır, astma tutmalarını azaldır, miqren, arterial hipertoniya, dəri, diş, sidik kisəsi və digər xəstəliklərin sağalmasına müsbət təsir göstərir. Qadınlara üzərlərində mirvari zinət əşyaları gəzdirməsi tövsiyyə edilirsə də hamiləlik zamanı əks göstərişlərə malik olduğu üçün mirvari zinət əşyalarından istifadə olunması məsləhət görülmür. Çariça Kleopatra içərisinə mirvari atılmış olan qabdan nar şirəsi içərmiş.

Müəllif: Firəngiz Rüstəmova
"FOLK VƏ YA XALQ TƏBABƏTİ" kitabından