Mərcan (corall) daşlarının əzələ funksiyasını, həzm və tənəffüs sistemi xəstəliklərini, yuxusuzluğu nizamlamağa kömək edir. Qırmızı mərcanın (krasnıy koral) isə körpələrə talisman kimi istifadə etməyin faydalı olmasına inanılır.
Malaxit daşının özü güclü energetikaya malikdir, onun ailə ocağını qorumasına, körpələrin rahat olmasına, iltihabi prosesləri azaltmasına, diş ağrılarını kəsməsinə, ətrafdakı neqativ mühiti zərərsizləşdirməsinə inanılır.
Lacivərd/Lapis/Lazulin kimi tanınan, su və torpaq ünsürü bu mavi daşın adı göy üzü mənasına gəlir. İnanclara görə tərkibində mis olması deyilən bu mineral kainatın gücünü, enerjisini alaraq bizə, zehnimizə ötürür və daxilimizdə güvən duyğusu yaradır. Sanki Yaradılış bilgisini, yaşamın gizli anlamlarını və evrənin prinsiplərini anlaya bilməmiz üçün bu enerjini alaraq bizə yönləndirir. Əski uyğarlıqlardakı istifadəsi - toz halına gətirilmiş lacivərdin antik Misirli qadınlar tərəfindən göz boyası olaraq işlədilməsi məlumdur.
Ölülər Kitabının 140-cı bölümündə yazıldığına görə, göz şəklində altından bir muhafizə içərisinə yerləşdirilmiş lacivərd güclü tilsim olaraq qəbul edilərdi. Şumer və Akkad yazılarında lapis/lazuli, krallara layiq zənginlik və ehtişamlı bir daş olaraq göstərilir. Romalılar isə lacivərdin güclü bir afrodiziak olduğuna inanmışdır.
Orta çağda isə bu mineralın sağlığa faydalı bir etkisinin olduğu, ruhu günah, qısqanclıq və qorxudan arındırdığına, eyni zamanda tibbi faydaları olduğuna da inanılırdı.
Üyüdülərək toz halına gətirilən lapis, süd ilə qarışdırılıb dəridə olan çibanlarda, mədə ağrılarında müalicə vasitəsi kimi istifadə edilirdi.

Müəllif: Firəngiz Rüstəmova
"FOLK VƏ YA XALQ TƏBABƏTİ" kitabından