Pişik gözü - daşının depressiya əleyhinə müəyyən təsirə malik olub yarasağaldıcı xüsusiyyətə malik olmaqla yanaşı, revmatizm, astma, laqingit, dalaq, bronxit kimi xəstəliklərin fəallaşmasının qarşısını almaq xüsusiyyətinə malikdir və insanı və bədnəzərdən qorunmaq üçün istifadəsi tövsiyyə olunur.
Nefrit - ağrıları azaldır, yuxunu nizamlayır, dərini gəncləşdirir, su balansını nizamlayır, böyrəyin fəaliyyətini artırır, insanı ətraf aləm ilə kontaktını nizamlayır, müvəffəqiyyətini artırır. Sahibinin psixoemosional problemlərini aradan qaldırır və onu müsbət enerji ilə yükləyir.
Yaqut – bu günəş mineralı daşı həyat və sevgi daşı hesab edilir. Qanın tərkibini yaxşılaşdırmasına, insanın müsbət emosiyalara köklənməsinə, psixiki xəstəlikləri qovmasına inanılır. Yaqut lazerindən müasir tibbdə görmə üzvlərinin terapiyasında istifadə edilir. Başlıca mifik xüsusiyyəti isə insanları elmə, incəsənətə və hakimiyyətə cəlb etməsidir. Qədimdə deyərdilər ki, yaqut onu daşıyan insanda aslan gücü, qartal cəsurluğu və ilan müdrikliyi yaradır.
Ametist- daşı haqqında belə bir inam vardır ki, insanı xərçəng xəstəliyindən, yaralardan, yanıq və infeksiyalardan, vəhşi heyvanların hücumundan, revmatik və sidikçıxarıcı sistemin xəstəliklərindən, cadugərdən qoruyur.
Zümrüd- müdrikliyin və əmin-amanlığın daşı, göz xəstəliklərinin müalicəsində, hərarəti endirməyə, arterial təzyiqi nizamlamağa, sehrdən qorunmağa kömək etməsinə inanılır. Yunan dilində “smaragdos” sözü türk dilində olan “zümrüd” sözündən yaranaraq bu cür fonetik səslənməyə malikdir. Rus dilində isə türk dilində olduğu kimi cüzi təhrifə uğrayaraq “izumrud” şəklində işlədilir. Türk dilində zümrüd sözü “yaşıl daş” mənasını verir.

Müəllif: Firəngiz Rüstəmova
"FOLK VƏ YA XALQ TƏBABƏTİ" kitabından