Xəbərlər



Reyhanın öskürəkkəsici və bəlğəmgətirici DƏMLƏMƏSİ - Firəngiz Rüstəmova
Reyhanın öskürəkkəsici və bəlğəmgətirici DƏMLƏMƏSİ - Firəngiz Rüstəmova


Döyənəklərin yumşaldılması üçün əzilmiş reyhan yarpaqlarını onların üzərinə, baş ağrısı zamanı isə gicgahlara və ənsəyə bağlayardılar.
Qurudulmuş reyhan yarpaqlarından hazırlanmış çay isə yüksək arterial təzyiqi endirir və gümrahlıq yaradır. Kiçik yaralar və kəsiklərdə reyhan dəmləməsindən yerli vannalar etmək faydalıdır. Tərləmənin və xoşagəlməz qoxunun qarşısını almaq üçün ayaqları soyuq reyhan dəmləməsi ilə vanna etmək, zökəm zamanı bu möcüzəvi bitkinin yarpaqlarını iyləmək məsləhətdir.
Reyhan dəmləməsi (öskürəkkəsici və bəlğəmgətirici) hazırlamaq üçün 20 qr reyhan gülü və yarpaqları götürülür, üzərinə 200 ml qaynar su əlavə edib 15 dəqiqə su hamamında dəmlənir. 45 dəqiqə isə kənarda saxlanılır. Gündə 3 dəfə, yeməkdən 30 dəq əvvəl, təxminən 70 ml qəbul edilir.
15 qr reyhan toxumu və ya yerüstü hissəsi götürülür, üzərinə 200 ml qaynar su əlavə edib 30 dəqiqə su hamamında dəmlənir. 10 dəqiqə isə kənarda saxlanılıb, soyuyur. Gündə 3 dəfə, yeməkdən 30 dəq əvvəl, təxminən 70 ml qəbul edilir və iltihablı nahiyələr yuyulur.
Təzə reyhan yarpaqlarının və çiçəklərinin şirəsindən həzmi nizamlamaq üçün istifadə edilir. Gündə 3 dəfə yeməkdən əvvəl 20 ml qəbul edilir.
Dişlərin möhkəmlənməsi üçünsə reyhan şirəsindən bir neçə qurtum ağıza alıb, 2 dəqiqə ərzində ağızda saxlamalıdır.

Müəllif: Firəngiz Rüstəmova
"TƏBABƏT VƏ MİFOLOGİYA: GÖRÜNƏN VƏ GÖRÜNMƏYƏN ƏLAQƏLƏR" kitabından


Reyhanın öskürəkkəsici və bəlğəmgətirici DƏMLƏMƏSİ - Firəngiz Rüstəmova
Baxış sayı: 145