“Təəccüblənmədim. Gözləntim budur ki, gələcəkdə İsrail və ABŞ bu məsələ ilə bağlı İrana qarşı hərbi addım atmağa məcbur olacaq”.

Teleqraf xəbər verir ki, bunu ABŞ senatoru Rik Skott Çindən İranə 2000 ton raket yanacağı idxalı məlumatına münasibət bildirərkən deyib.

“Hamımız anlamalıyıq ki, Rusiya, Çin, İran və Şimali Koreya birlikdə bizim həyat tərzimizi məhv etməyə çalışırlar. İranın nüvə silahı proqramları və obyektlərini məhv etməliyik. İranda rəhbərlik dəyişməyənədək bu vəziyyət təkrar olunacaq. İran iqtisadiyyatı daha da zəifləyəcək, xalqın heç bir perspektivi qalmayacaq və vaxtaşırı onların nüvə silahı hazırlamaq qabiliyyətini məhv etməli olacağıq”, - o vurğulayıb.

Çini İran əleyhinə sanksiyalara əməl etməyə məcbur etmək barədə isə Skott belə söyləyib:

“Düşünürəm ki, bizim təzyiq alətimiz var, amma onların nəyə əməl edəcəyinin heç vaxt böyük əhəmiyyəti yoxdur, çünki heç vaxt vədlərinə əməl etmirlər. Hər şey barədə yalan danışırlar”.