Qızılgül ləçəklərinin dəmləməsindən buz kubikləri hazırlayıb üzü onlarla gündə 3 dəfə sildikdə dəri təravətlənir.
Dəri quru olduqda isə qızılgül suyunu süd ilə qatıb üz dərisini silmək lazımdır. Əl dərisinə qulluq üçün isə eyni miqdar qliserin, limon şirəsi, qızılgül ləçəklərinin dəmləməsindən losyon hazırlayıb gündə 2 dəfə əllərə çəkmək lazımdır. Bədənin dərisinin ipək kimi yumşaq olması üçünsə qızılgül və badam yağı qatılmış suda vanna qəbul etmək lazımdır.
Dodaqların quruluğu zamanı qızılgül ləçəklərindən krem hazırlamaq lazım gəlir. Belə ki, bir bütöv qızılgül ləçəyini əzib 1 x/q donuz iç yağı ilə qatışdırmaq və gündə 3 dəfə krem kimi dodaqlara çəkmək lazımdır. Qızılgüllərin əcdadı Yaban Gül/Yaban Qızılgülüdür, yəni tanıdığımız İtburnudur. İtburnu - latın dilində Rosa adlanan Yaban Gülünün bir növüdür. İtburnu isə lat.d. Rósa canína adlanır, XVIII və XIX əsrdə itdişləmələrinin müalicəsində işlədildiyinə görə belə adlandırılıb. Azərbaycan d. itburnu adı ilə eyni məna kəsb edir, çünki Rósa canína “it gülü” deməkdir. Qızılgül xalq təbabətində, parfümeriya və kosmetologiyada daha çox işlədilsə də, itburnu tibbdə müalicə vasitəsi və sidikçıxarıcı yolların xəstəliklərində dərman preparatı kimi tanınır. İtburnudan hazırlanmış bəzi dərman preparatları:
-İtburnu meyvələri/Rosae fructus.
Aşağıdakı göstərilən hazır çay və preparatların tərkibinə itburnu bitkisi daxildir:
- Çay Evalar BİO- soyuqdəymə zamanı
- Çay Evalar BİO –İtburnu
- Çay Evalar BİO –Enerji
- Eliksir Evalar - Antioksidant formula
- Zəncəfilli, isidici Natur Qrippin çay
- Ovesol məhlul
- Оvesol gücləndirilmiş formul
- Сказания Алтая бальзам для женщин-250 ml/Altay söyləncələri- qadınlar üçün balzam və digər məhsulları göstərmək olar.
-İtburnu yağı-stomatit, gingivit, trofik xoralar, döş giləsi çatları, psoriaz, ekzema, neyrodermit, xoralı kolitdə imalə şəklində və digər bir sıra xəstəliklərin müalicəsində istifadə edilir.

Müəllif: Firəngiz Rüstəmova
"TƏBABƏT VƏ MİFOLOGİYA: GÖRÜNƏN VƏ GÖRÜNMƏYƏN ƏLAQƏLƏR" kitabından