Damotu cövhəri/Tinctura Leonuri-70% spirtdə, 1:5 nisbə-tində hazırlanır. 25 ml-k flakonlarda buraxılır və 30-35 damcı, gündə 3-4 dəfə qəbul edilir.
Bitkinin özünün təzə sıxılmış şirəsi isə gündə 3 dəfə ol-maqla 30-40 damcı, 1x/q adi suya damızdırılıb qəbul edilir. Təzə sıxılmış damotu şirəsi əsasən ürək fəaliyyətinin zəifləməsində, mədə-bağırsaq xəstəliklərində, ürək nevrozunda, sinir gərginliklərində, stress və qorxu hisslərində sinir sistemini sakitləşdirici vasitə olaraq təyin edilir və hamiləlik zamanı əks göstəriş deyil.
Yüksək arterial təzyiq zamanı hərəsindən eyni ölçüdə götürməklə-quruca otu, yemişan çiçəkləri və öksəotu/ viskum album yarpaqları. Hərəsindən 40 qr olmaqla üzərinə bir litr qaynar su əlavə edib dəmləmək lazımdır. Damotu bir sıra hazır dərman vasitələrinin tərkibinə daxildir.
Tədqiqatların ən maraqlı nəticələrindən biri damotu bitkisinin antimikrob təsirə malik olmasıdır. Ən çox sidik yollarının iltihabında antimikrob təsir ilə yanaşı, T-limfositlərin proliferasiyasını stimulyasiya etməsidir. Bitkinin dəmləməsinin təsiri 80-dən çox müxtəlif yaş dövründə, kəskin qlomerulonefrit xəstəliyi olan insanlar üzərində öyrənilmişdir. Bütün xəstələrdə sağalma baş vermişdir. Ən tez effekt 5 gün, ən uzun çəkən isə 36 gün ərzində olmuşdur. 5 il həmin xəstələrdə aparılan müşahidələr nəticəsində ağırlaşma və residivlər qeydə alınmamışdır.
Bundan əlavə, bitkinin iltihab əleyhinə təsiri də Koreya tədqiqatçıları tərəfindən aşkar olunmuşdur.
Damotunun reproduktiv funksiyanı nizamlamaq xüsusiyyəti də var ki, bu effekti almaq üçün ən azı 3 menstrual tsikl zamanı 30-40 damcı, gündə 3 dəfə damotu cövhəri qəbul edilməlidir.
Damotu bitkisinin hazır dərman preparatları:
- Damotu ekstraktı tab.(Leonuri extract) № 40 – Evalar.
- Leonuri extract / Damotu ekstraktı tab 14mq № 10 tab. (Vifiteх).
Elmi ədəbiyyatda damotu, pişikoti/valerian və yemişan cövhərinin müalicəvi təsiri haqqında bir sıra məlumatlar vardır:
Hamiləlik ödemləri zamanı diuretiklər işlətmək olmaz! Ona görə də duzsuz, zülallı dieta ilə yanaşı (alma, duzsuz kəs-mik) sedativ fitoyığımlar təyin edilir. Nevrogen faktoru nəzərə alaraq hamiləyə - damotu, valerian, yemişan meyvələrinin cövhəri təyin edilir.

Müəllif: Firəngiz Rüstəmova
"TƏBABƏT VƏ MİFOLOGİYA: GÖRÜNƏN VƏ GÖRÜNMƏYƏN ƏLAQƏLƏR" kitabından