Ağacabənzər Aloye - məişətdə və bir sıra xəstəliklərin (mədə xorası, onikibarmaq bağırsaq xorası, anasid qastrit, kolit, qəbizlik, xroniki bronxopnevmoniya, diabet xəstəliyinin başlanğıc stadiyası, qadın və kişi sonsuzluğu, trofiki yaralar, yanıqlar) müalicəsində istifadə edilməsi ilə tanınan ev, dibçək bitkisidir.
İnsult. 3-4 stəkan aloye şirəsinə 5qr mumiya qatmaq və səhər yuxudan oyanan kimi və axşam yatmazdan əvvəl 1 çay qaşığı qəbul etmək lazımdır. İki həftə bu qarışığı qəbul edib, iki həftə fasilə verməklə 2 aya yaxın müalicəni davam etmək lazımdır. Fasilə zamanı gündə 3 dəfə 20-30 damcı propolis cövhəri qəbul etmək məsləhətdir. Qarışıq mütləq soyuducuda saxlanmalıdır.
Herpes. Gündə 2-3 dəfə yeməkdən əvvəl çay qaşığı aloye şirəsi qəbul etmək və həmin şirə ilə herpes səpgiləri olan nahiyəni silmək lazımdır.
Hipertoniya. Hər gün ac qarına 1 çay qaşığı adi suya 3 damcı təzə aloye şirəsi damızdırıb içdikdə 2 ay ərzində arterial təzyiq normaya düşür.
Üçlü sinir. Üçlü sinirin iltihabı zamanı gündə 3 dəfə 1 desert qaşığı aloye şirəsi yeməkdən əvvəl içilməlidir.
Mastopatiya. Bir hissə aloye şirəsi, bir hissə qara turpun şirəsi və bir hissə də qarğıdalı yağını qarışdırıb üzərinə 70° spirt (0.5 litr qarışığa 50 ml spirt olmaqla) əlavə edərək bir həftə qaranlıq yerdə saxlamaq lazımdır. Sonra bir x/q gündə 3 dəfə yeməkdən 20 dəqiqə əvvəl içmək lazımdır. Bu qarışıq yalnız mastopatiyayanı sağaltmaqla kifayətlənməyib uşaqlıq şişlərinin (mioma və fibromioma) də sorulmasına yardım edir.
Uşaqlığın fibroması. 200 qr aloye yarpağını xırdalayıb kaşa halına salmaq, 1 ədəd şabalıd, 3 stəkan qırmızı üzüm çaxırı əlavə etmək və qaynar su hamamına qoymaq. 30 dəqiqə buxarda qaldıqdan sonra süzmək lazımdır. Yeməkdən 20 dəqiqə əvvəl, gündə 3 dəfə 1x/q qəbul etmək məsləhətdir.
Diensefal, postqrippozastmoid parosizm (cəngolmalar və spazmlarla müşayiət edilən, qəfləti yaranan tutmalar), qida borusunun spazmları, dil-udlaq və ya yuxarı qırtlaq sinirinin nevralgiyası. Hərəsindən 100 qr olmaqla donuz yağı (sala), kərə yağı, bal, kakao tozu, 15 qr isə aloye şirəsi qatılır. Bir x/q gündə iki dəfə, səhər və axşam, 1-1.5 ay qəbul edilir. Qatışıq isə soyuducuda saxlanmalıdır.

Müəllif: Firəngiz Rüstəmova
"TƏBABƏT VƏ MİFOLOGİYA: GÖRÜNƏN VƏ GÖRÜNMƏYƏN ƏLAQƏLƏR" kitabından