Antroposof təbabətin əsasını avstriyalı filosof və alim Rudolf Ştayner (1861 –1925) və danimarkalı doktor xanım İta Veqman (1876–1943) qoymuşlar. İlk antroposof hospital 1921- ci ildə İsveçrənin Arleshaym şəhərində yaradılmışdır.
Evritmiya–Ştayner tərəfindən işlənilmiş hərəkətlə müali-cə növüdür. Evritmiya termini yunan sözü “eu” olub “gözəl və harmоnik, ritmik” mənasında anlaşılır. Evritmik hərəkətlər zahiri hərəkətlərlə, daxili, ruhdan gələn ritmlər və şəfaverici qüvvələr arasında əlaqə yaradır. 1920-ci ildən etibarən antroposof təbabətin müalicəvi evritmik hərəkətləri xüsusi bir, şəfaverici hərəkətlər forması kimi istifadə edilir.
Antroposof art-terapiya incəsənətin musiqi, rəsm, rəng-karlıq, nəğmə oxumaq, heykəltəraşlıq və danışıq formasında olan terapevtik növüdür. Bunlar insanın fizioloji, mənəvi və ruhi göstəricilərindəki balans pozuntularını harmonizə etməklə rənglərin, çalarların, ritmin, görkəmin, nəfəs və səslərin istifa-dəsi sağalma prosesinin, pozulmuş balansın nizamlanmasına yardım göstərir. Antroposof art-terapiya kəskin və xroniki xə-təliklərdə, degenerativ, iltihabi, sklerotik xəstəliklərdə, psixo-somatik və mənəvi problemlərdə çox müvəffəqiyyətlə tətbiq edilir. Son 100 ildə psixiki xəstəliklərin artması diqqəti cəlb edir və psixoloji, psixiatrik yardıma ehtiyacı da artırır.

Müəllif: Firəngiz Rüstəmova
"FOLK VƏ YA XALQ TƏBABƏTİ" kitabından