Xalq təbabəti (XT) – səhiyyə sisteminin vacib və sona qədər dəyərləndirilməyən bir bölümüdür. Bir sıra ölkələrdə XT və ya qeyri-ənənəvi tibb, əlavə/yanaşı/alternativ tibb də adlandırılır. XT sağlamlığın qorunmasında, xəstəliklərin, əsasən də xroniki xəstəliklərin müalicə və profilaktikasında çox qədim bir tarixə malikdir.
Xalq təbabəti, yanaşı/əlavə və ya alternativ tibb müxtəlif dünya ölkələrinin xalq ənənələrində geniş şəkildə istifadə edilsə də əsas tibbi-sanitar yardıma daxil edilməmişdir və yalnız xalq təbabəti termini altında istifadə edilir.
Xalq və əlavə/alternativ təbabət bütün dünya ölkələri xalqları, xüsusilə inkişaf etməkdə olan ölkələrin xalqlar arasında daha geniş yayılmışdır. 2013-cü ildə XT üzrə keçirilmiş Beynəlxalq konfransda Ümumdünya Səhiyyə Təşkilatının Cənub-Şərqi Asiya ölkələri üzrə baş direktoru dr.Marqaret Çen qeyd etmişdir ki, XT-nin müalicə üsulları, təhlükəsizlyi və ef-fektivliyi təcrübədə öz təsdiqini tapmış, həm də tibbi yardıma ehtiyacı olan insanlar üçün əlçatandır. Milyonlarla insan üçün XT üsulları, şəfaverici əsas tibbi – sanitar yardım, bəzən isə yeganə yardım mənbəyidir. Belə yardım həm evə yaxındır, həm də maddi cəhətdən əlçatandır, etibar ediləndir.
İsveçrədə 1990-cı ildən sonrakı dövrdə xalq və əlavə/ alternativ təbabətin xidmətlərindən istifadə 49% təşkil edirdi. 1999-2005-ci illər ərzində alternativ tibbin beş növündən - antroposof, homeopatiya, fitoterapiya, nevral terapiya və Çin XT-dən əsasən otlarla müalicə vacib tibbi sığortanınproqramına daxil edilmişdir. Bu şərtlə ki, tibbi yardım alternativ tibbi sertifikatı olan mütəxəssislər tərəfindən aparılsın. 2009-cu ildə İsveçrə seçicilərinin 67% -dən çoxu konstitusiyanın yeni əlavə/alternativ təbabət maddəsinə səs vermişlər.
ÜST-nın təsnifatına əsasən fitoterapiya ənənəvi tibbin ayrılmaz tərkib hissəsi olmaqla yanaşı, eyni zamanda bitkinin özündən və ya ayrı-ayrı hissələrindən alınmış, bioloji aktiv maddələrin kompleksi olan bitki mənşəli dərman vasitələrinin köməyi ilə xəstəliklərin müalicə üsuludur.
Dünya Səhiyyə Təşkilatının hesablamalarına əsasən səhiyyə sistemində dünya əhalisinin təxminən 80%-i ilkin tibbi- sanitar yardım olaraq təbii mənşəli ənənəvi dərman vasitələ-rindən istifadə edirlər.
Fitoterapiya probleminin əhəmiyyətini nəzərə alaraq 1989-cu ildə Avropa ölkələrində Avropa Fitoterapevtik (Bitki-sel) Tibb Assosiasiyası yaradılmış və tibbin bu sahəsində (ES-COP) koordinasiya, informativ və elmi fəaliyyətlər həyata keçirilir. Bu müddət ərzində ÜST ən əhəmiyyətli dərman bitkiləri haqqında məlumat xarakterli 62 monoqrafiya nəşr etmişdir. Bunlar "fitopreparat" qavram qaydalarını formalaşdırdı.