Planetimizin bütün xalqları istisnasız olaraq universal bir ibtidai cəmiyyət sistemindən keçmişlər. Bəşəriyyətin sonrakı inkişafı üçün əmək, təsərrüfat fəaliyyəti, təfəkkür, şüur, nitq və dil, sosial münasibətlər, mədəniyyət, incəsənət və təbii ki, onlarla birlikdə təbiblik və gigiyena bacarıqları da bir çox həlledici şərtlər kimi bu ibtidai cəmiyyət sistemində yaranmışdı.
Antroposof tibb nədir?
“Bu günkü tibbin ən böyük səhvi odur ki, həkimlər ruh ilə bədəni bir-birindən ayırırlar”- 2000 il öncə Platon tərəfindən söylənilmiş olan bu ifadə müasir səhiyyənin vəziyyətini olduğu kimi təsvir edir. Belə ki, bu günkü yanaşmada pasiyentə deyil, xəstəliyə diqqət ayrılır. Aydın görünür ki, o zaman da bu gün olduğu kimi əsas diqqət fiziki simptomlara yönəldilir-di, amma pasiyentin psixikası, onu psixi durumu və ruhi vəziyyəti nəzərə alınmırdı.
Antroposof təbabət və ya tibb – xolistik səhiyyə sistemidir və fərziyyələrə əsaslanır. Hər bir insanın fiziki, psixiki cəhətdən və ruhən təbiətlə bağlı olması əsas götürülür. Antropo- Folk və ya xalq təbabəti sof təbabət insan həyatının psixoloji aspektlərinə fərqli yanaşaraq son on ildə özünü psixosomatik və antropoloji tibb kimi təqdim etmişdir. Pasiyentin şəxsiyyəti, xəstəliyinin gedişatı, əhval-ruhiyyəsi, özünü dəyərləndirməsi, qorxu və ümidləri xəstəliyin inkişafında və sağalmasında böyük təsirə malikdir.

Müəllif: Firəngiz Rüstəmova
"FOLK VƏ YA XALQ TƏBABƏTİ" kitabından