-Pasiyent zəngi: Həkim salam.
-Həkim: Salam buyurun.
-Həkim bilirsiiz sizin yazdığınız dərmanı içirəm, ama bütün mədə -bağırsağım soyuqlayıb.
-Niyə? Qızım ilk dəfə belə şikayət eşidirəm...
-Bilirsiiz. Gündə iki-üç dəfə qəbul edirəm axı tableti. Nə qədər sağlam adam olsa da soyuducudan 2-3 dəfə su götürüb içsə xəstə olar vallah.
-Mən sizə soyududucudakı su ilə qəbul edin deməmişəm axı qızım…
-Bəs evdə dedilər ki, başqa cür içsəm dərman çürüyər...

-Pasiyent: Həkim belim çox ağrıyır. Deyirəm bəlkə məni “qazan” aparata göndərəsiz hə?
- Hansı aparatdı “qazan” qızım?
-Həkim bu gün “Uzeydən” keçmiyim, o “metro” kimi aparat var ey onu tərifləyirlər daa, onda yoxlanım...
- Anladım. KT və ya MRT demək istəyirsiz. Vacib olsa göndərərik, səbirli olun, hamiləni hər zaman göndərmirik o müayinələrə.

- Həkim pasiyentdən soruşur: Aliyə ərinizlə qohumsuzmu?
- Bəli.
- Necə qohumsuz? Yaxın ya uzaq?
- Bilirsizmi evləndik qohum olduq da, necə başa salım ki, sizi?
- Həkim ((

- Həkim: Nuriyə siz və ya yoldaşınız tərəfdə genetik bir xəstəlik varmı?
- Necə?
- Yəni yaxın qohumların uşaqlarında yeriməyən, danışmayan, şüursuz olan və ya digər qüsurlar varmı?
- Xeyir!
- Hamilə ilə gələn qonşusu söhbətə qarışdı. Bəs ərinin qardaşı ruhi xəstədir, bir əmisi oğlu da həm ruhi xəstədir həm də yerimir axı …
- Hamilə: Onların mənimlə nə əlaqəsi?
- Həkim: bilirsizmi Nuriyə onlar sizin qan qohumu olmasa da, dünyaya gələcək körpənin doğmaca əmisi və atasının əmisi oğlundan söhbət gedir …

Həkimə gecə zəngi:
-Salam həkim
-Həkim: salam
-Ordasıız həkim?
-Ora deyəndə haranı nəzərdə tutursuz?...
-Yəni xəstəxanada...
-Xeyir evdəyəm buyurun...eşidirəm…
-Mən 1-2 il əvvəl yanınıza gəlmişdim, o vaxt mənə dərmanlar yazmışdınız, amma resepti itirmişəm onları təzədən yazıb vatsappda atardınız də mənə. O vaxt çox yaxşı təsir etmişdi…
-Həkim: bilirsiniz qızım həmin resept o vaxtki diaqnoza uyğun olub. Bu gün situasiya dəyişilə bilər. Gələrsiz baxıb bir nəticəyə gələrik !
-Yaxşı sağol …
Təkrar gecə zəngi:
-Salam həkim ordasıız?
-Həkim: xeyir. Kimiydi?
-İki gün əvvəl zəng etmişdim haa sizə...
-Aha xatırladım...buyurun, amma xəstəxanada deyiləm...
-Deyirəm gəlim yanınıza, şikayətlərimi deyim, amma mənə baxmayın də.
Bəlkə görəndə yadınıza düşəcəm hə?
-Həkim:qızım mənim iş saatlarımı deyim yazın. Lazım bilsəniz gələrsiniz,
amma baxmadan da müalicə etmək olmayacaq, yəni bunu da nəzərə alın.
-Oldu çox sağolun!
Yarım saat keçməmiş təkrar zəng:
-Bağışlayın ey həkim. Dediyiniz saatları yazdım amma baxıram ki, bu saatlar gündüzdür. Gecə növbəniz olmur kii?
-Qızım mən gecə növbəsinə qalmıram axı, ambulatoriyada işləyirəm. Gecə necə gedim sizə baxım? Birdə ki, siz nə üçün yalnız gecələr zəng edirsiniz?
-Ramazan ayıdır axı, obaşdanlığa dururam, gündüzlər isə yatıram də...
-Həkim ((

Həkimə zəng:
- Həkim sizsiiz?
- Bəli buyurun.
- Həkim dünən sizdə qediyyata dayanan hamilənin yoldaşıdı narahat edən.
- Buyurun aha...
- Həkim dünən siz mənim yoldaşıma “fol turşusu” yazmısız.
- Bəli
- Onu mütləq içməlidi kiiii?
- Bəli
- Niyə?
- Fol turşusunu dünyanın demək olar ki, hər yerində, hamiləliyi planlaşdıranlar və hamilələr 3 ay qəbul etməlidir. Döldə yaranacaq qüsurların qarşını alır və ya yaranma ehtimalını dəfələrlə azaldır (
- Nə danışırsıız? Gör necə milyon hamilə var, hamilə bir yana, hələ hamiləlik planlaşdıranlar da içməlidir. Milyonlarla qutu fol turşusu alınır dünyada, bu boyda pul kimə çatır?
- Bilirsizmi oğlum. Mən heç o mövzuda düşünməmişdim, bilmirəm doğrusu...Amma qəbul etməsi məsləhətdir (
- Nəyə əsasən?
- Protokola (
- Mənə cəfəngiyat danışmayın, indi özümü çatdırıram konsultasiyaya. Sizin dediyiniz protokolda mənə yoldaşımın adını göstərərsiz...

- Həkim hamilənin sənədi üzərində yazılan nömrəyə zəng edir və kişi cavab verir: Alo salam oğlum Afət gildəndirmi?
- Kişi səsi: Xeyir.
Həkim tez kartada hamilənin ərinin adına baxır ki, adı Firdovsidir.
-Sizin yoldaşınıza görə zəng etmişəm Firdovsi …
-Firdovsi kimdir?
-Afətin yoldaşının adı Firdovsi deyilmi?
-Afətin yoldaşıdır, -düzdür, ama mən Ərdoğanam...

Təkrar müayinəyə gələn pasiyent:
- Salam həkim, xatırladınız hə məni?
-Həkim: bəli əlbəttə, buyurun…
-Pasiyent: siz göndərdiyiniz xəstəxana məni qəbul etmədi ki, oradan “ramaşka” xəstəxanasına göndərdilər.
-Həkim: anladım...əvvəllər Semaşko adına xəstəxana idi. İndi 1 saylı ŞKX adlanır...

Analıq məzuniyyətinə çıxmaq üçün pasiyent iş yerindən aldığı arayışı təqdim edir və həkim baxır ki, orada arayışın təqdim olunduğu yer olaraqbaşqa bir doğum evinin qadın məsləhətxanası şöbəsi yazılıb.
Həkim pasiyentə deyir:
-Bəs sizə balaca bir kağızda arayışın hara təqdim olunacağını yazıb vermişdim, yəqin kağızı itirmisiniz ona görə təxmin belə yazdırmısınız. Amma bu arayış dəyişdirilməli olacaq.
-Pasiyent: axı mən də sizə demişdim ki, uşağı başqa bir doğum evində dünyaya gətirmək fikrim var. Baxdım ki, həmin nömrə deyil kağızda yazılan, unutmusunuz, ona görə də öz istədiyim doğum evini yazdırdım.
-Qızım axı sizi hələ doğuma göndərmirik, üç aydan artıq bir vaxt qalıb doğuma. Sizə analıq məzuniyyəti vermək üçün arayış lazımdır, iş yerini və vəzifənizi dəqiqləşdirməyə.
-Pasiyent: yox ey...mən bu doğum evini istəmirəm... yazdırdığm doğum evinə “N” saylıya gedəcəm...


Ardı var...