Hamiləlik dövründə analarda böyük bir problemə yol açmayan və təhlükə törətməyən bir sıra şikayətlər meydana çıxır. Bu şikayətləri belə sıralaya bilərik:
-Bulantı, Qusma: Hamiləlik dövründə anaların çoxunda ilk üç ayda ən əhəmiyyətli problem olaraq qarşımıza çıxır. Səbəbi dəqiq bilinməsə hamiləlikdə yaranan xüsusi hormonların təsirindən meydana çıxdığı hesab olunur.
-Qoxulara qarşı həssaslıq: Hamiləlikdə bu kimi əlamətlər əsasən ilk 3 aydan sonra itib gedir.
-Tər sekresiyasında artım: Hamiləliyin ilk 3 ayının şikayətlərindən biridir. Əgər çox tərləmə bulantı və qusma ilə yanaşı olarsa bu hal hamilələrin çox maye itirməsinə səbəb ola bilər.
-Tez-tez sidiyə çıxma: Böyüyən uşaqlığın sidik kisəsinə etdiyi təzyiq nəticəsində meydana çıxır.Tez-tez sidiyə çıxma istəyi ilə yanaşı sidiyə çıxarkən yanğı və ya ağrı hissi də yaranarsa bu sidik yolları infeksiyasının göstəricisi ola bilər. Bu vəziyyətdə həkiminizə müraciət etməniz doğru olardı.
-Sidik qaçırma: Son aylarda daha diqqətə çarpandır. Səbəbi böyüyən körpənin (uşaqlığın) sidik kisəsinə etdiyi təzyiqdir.
-Qəbizlik : Hamiləlikdə dəyişən hormonal tarazlıqlar bağırsaq hərəkətlərini yavaşıdır. Hamiləlikdə istifadə edilən dəmir preparatları da bəzən qəbizliyə səbəb ola bilər. Bu halda lifli qidalarla qidalanmanız tövsiyə olunur. Bu cür qidalara yaşıl tərəvəzlər, meyvələr aid edilir.
-Spazmlar (qıcolmalar): Xüsusilə qol və qıçlarda və gecələr ortaya çıxır. Kalsium əksikliyi rol oynaya bilər. Spazm zamanı massaj etmək uyğun sayılır.
-Mədə qıcqırması:Bunun qarşısını almaq üçün qidanızı yaxşı çeynəyərək udmanız tövsiyə olunur. Axşam yeməklərini yüngül yeyin və yeməkdən sonra dərhal yatmayın.
-Qasıq ağrıları: Xüsusilə erkən hamiləlikdə oturub qalxarkən ya da uzanmış mövqedə dönərkən qasıqda ağrılar yarana bilər. Bu ağrının bir təhlükəsi yoxdur. Ancaq ani hərəkətlərdən uzaq olmaq ağrının ortaya çıxmasını əngəlləyə bilər.
-Varikoz damar genişlənmələri
-Əllərdə uyuşma
-Dəridə dəyişikliklər.Hamiləlik müddətində dəridə rast gəlinən ən diqqətə çarpan dəyişikliklər piqmentasiyanın artması və tüklənmədir. Hər iki vəziyyət keçici xüsusiyyət daşıyır və doğuşdan sonra bir müddət ərzində itib gedir.
-Qarın dərisində yaranan çatlar.
-Nəfəs darlığı.
-Burun qanaxmaları.Burun qanaxmaları xüsusilə qış aylarında və səhərlər çox yaranır. Bunun böyük bir qorxusu yoxdur.Hamiləlikdə bütün damarlarda genişlənmə baş verir. Burun boşluğunu örtən toxumada damarlar çox səthdədir. Bu səbəbdən də xarici faktorlara asan məruz qalırlar.