Bəzi riskli vəziyyətlər var ki həm körpənin həm də ananın sağlamlığını riskə salır, hətta ölümlərinə belə səbəb ola bilir.
Hamiləlikdə yüksək risk meydana gətirən problemlər anada əvvəldən ola biləcəyi kimi, hamiləlikdə də ortaya çıxa bilir.Qadına aid sağlamlıq problemlərinə erkən diaqnoz qoyulduğu təqdirdə hamiləlik sağlam bir şəkildə keçir.
Ən riskli 3 vəziyyət :
1. Hamiləliyə bağlı diabet
Hamiləliyə bağlı diabet 100 ana namizədindən 3-5ində görülən ciddi bir problemdir. İri körpə, doğumda çiyin ilişməsi (doğum zədəsi), yenidoğulmuşda tənəffüs çətinliyi, yenidoğulmuşda qan şəkəri və kalsium səviyyəsində enmə, sarılıq, erkən doğum, ana qarınında ölüm (qan şəkərinin diyetlə təşkil edilə bilmədiyi hamilələrdə), uşaqlıq çağı diabeti və s körpədə səbəb olduğu problemlərdəndir. Ana namizədləri də hamiləliyə bağlı diyabetdə bu risklərlə qarşı-qarşıya gəlir: Düşük, preeklampsiya (hamiləlik zəhərlənməsi), infeksiyalar, çətin doğum, vakuum ya da keysəriyyə ilə doğum, doğum sonrası qanaxma və s.
Qarşısının alınmasında diabetik diyet, məşq və lazım olsa insulin müalicəsi təklif edilir.
2. Hamiləlik əvvəli diabet
Hamiləlik əvvəli diabet düşük riskində artma, erkən doğum, anadangəlmə qüsurlar,ana qarınında körpə ölümü, amniyon mayesinin artması, yenidoğulmuşun tənəffüs çətinliyi, yenidoğulmuşda qan şəkəri və kalsium səviyyəsində enmə, körpənin qanında bilirubin səviyyəsində artma və sarılıq, ürəkdə genişləmə, körpədə diabet riski və körpənin böyüməsində gerilik kimi bir çox sağlamlıq probleminə gətirib çıxarır. Bu xəstəlik eyni zamanda ananın sağlamlığını da risk altına alır. Diabetik böyrək və göz xəstəliyi, diabetik əsəb pozğunluğu, hamiləlik zəhərlənməsi və infeksiyalar, anada ən sıx görülən problemləri meydana gətirir.
Həm körpənin həm də ananın sağlamlığını riskə atmamaq üçün hamiləlik əvvəlində mütləq bir ginekoloqa və endokrinoloqa müraciət edilməlidir. Uyğun müalicəylə hamiləlik əvvəli qan şəkəri ideal səviyyədə saxlandığı təqdirdə sağlam bir hamiləlik keçirilə bilir. Hemoglobin A1C deyilən son 4-8 həftədəki qan şəkəri səviyyələri haqqında fikir verən parametrin ideal səviyyədə olması lazımdır.
3. Hamiləlik zəhərlənməsi
Ana namizədinin təzyiqinin 140/90 mmHg və üzəri və eyni zamanda sidikdə zülal olmasına preeklampsiya, bir başqa deyişlə hamiləlik zəhərlənməsi deyilir. Ümumi populyasiyada yüzdə 6-8 sıxlıqla rast gəlinən hamiləlik zəhərlənməsi anada beyin qanaması, ağciyər şişi, böyrək çatmazlığı, ürək çatmazlığı və qaraciyər çatmazlığına hətta ölümə belə yol aça bilir. Erkən doğuma bağlı problemlər, ana qarınında inkişaf geriliyi və ölüm isə hamiləlik zəhərlənməsinin körpədə gətirib çıxardığı problemləri meydana gətirir.
Yüngül preeklampsiyada ana namizədinə yataq rejimi təklif edilir. Aşağı risk qruplu xəstələr idarəli şərtlər altında ayaqdan təqib edilə bilir. 37. hamiləlik həftəsindən sonra, rəhm ağızı doğum üçün uyğun olduğunda, anada ciddi pozulmalar meydana gəlsə və ya körpədə dəyişiklik halı varlığında doğum etdirilir. Ciddi preeklampsiyada, 34. hamiləlik həftəsinində doğum reallaşdırılır. 34. həftənin altındakı xəstələrdə isə idarə edilə bilməyən şiddətli yüksək təzyiq, eklampsiya, qaraciyər və böyrək funksiyalarında pozulma, qarın ağrısı, inadçı baş ağrısı və görmə simptomları varsa yenə doğuma qərar verilir.