[b]





















Nigar Hüseyn Əfəndi qızı Şıxlinskaya 1878-ci ildə Tiflisdə anadan olmuşdur. İlk azərbaycanlı şəfqət bacısıdır. Nigar xanımın atası Zaqafqaziya müftisi Hüseyn Əfəndi Qayıbzadə, Əliağanın, yəni Əliağa Şıxlinskinin anası; Şair Molla Vəli Vidadinin nəvəsi olan Şahyəmən xanımla əmioğlu-əmiqızı idilər. Nigar Hüseyn Əfəndi qızı Şıxlinskaya Birinci dünya müharibəsinin iştirakçısıdır. Tiflisdə Zaqafqaziya 1889 - cu ildə Qızlar İnstitutunu bitirən ilk ali təhsilli azərbaycanlı qadındır. Rus, fransız, ərəb, fars dillərini mükəmməl bilirdi.
Nigar Şıxlınskaya bir gün perronda durub qatar gözləyəndə yaxınlığında duran iki fransız əsgərinini danışığını eşidir: "-Çox gözəl qadındır.- Hə, amma heyf ki, geyimi sadədir". Qatar yaxınlaşıb dayandıqda xanım Şıxlınskaya təmiz fransız dilində cənablardan ona çantalarına görə kömək etməyi xahiş edir. Bundan utanan hərbçilər ondan üzr istəyirlər.
Əliağa bəy 1865-ci il aprelin 23-də Qazax qəzasının Qazaxlı kəndində doğulmuşdu. Nigar xanım ondan 6 yaş kiçik idi. 46 yaşlı yaraşıqlı zabit Əliağa Şıxlinski ilə rastlaşan Nigar xanım ilk baxışdan ona aşiq olmuşdur. Onların hissləri qarşılıqlı idi və 1909-cu il 27 oktyabr tarixində toyları olmuşdur.
Birinci dünya müharibəsinin iştirakçısıdır. General "Rus Artilleriyasının allahı" Əliağa Şıxlınskinin həyat yoldaşı, ilk tibb bacısı kimi Nigar xanım 1914-1918-ci illərdə zabit arvadlarının yaratdığı "Qırmızı xaç" adlı hərbi xəstəxanaya başçılıq edən komitənin sədri seçilmişdir. Nigar xanım bütün zamanını hospitalda keçirir, yaralılara kömək olaraq, onların qohumlarına rus, tatar və qazax dillərində məktublar yazırdı. Oktyabr inqilabından sonra Əliağa Şıxlinski istefaya çıxır və xanımı Nigarla birlikdə Bakıya qayıdırlar.
Nigar Şıxlinskaya 15 avqust 1931-ci ildə Bakıda vəfat etmişdir. Əliağa Şıxlinski öz xatirələrində yazmışdır:
"Mənim həyatımın ən xoşbəxt anları Nigar xanımla birlikdə keçirdiyim 22 il olmuşdur."
Hazırladı: F. Rüstəmova